ەلوردا • 23 قاراشا، 2020

مىڭنان استام ەلوردالىق كارانتيندى بۇزعانى ءۇشىن جاۋاپقا تارتىلدى

5 رەت كورسەتىلدى

ەلوردادا پوليتسەيلەر، ەرىكتىلەر مەن اكىمدىك وكىلدەرى ساۋدا ورتالىقتارىنا، دۇكەندەر جانە ادامدار كوپ جينالاتىن باسقا دا ورىنداردا رەيد جۇرگىزىپ جاتىر، دەپ حابارلايدى Egemen.kz

ءىس-شارانىڭ ماقساتى – كوروناۆيرۋس ينفەكتسياسىنىڭ تارالۋىنا جول بەرمەۋ. كارانتيننىڭ كۇشەيۋىنە قاراماستان، بىرقاتار مەكەمەلە ءالى دە تالاپتاردى ەلەمەي وتىر.

سونىمەن، 21 قاراشادا ساعات 18:30-دا ءموبيلدى توپ New Stars مەيرامحاناسىنا بارىپ، "بەتاشار" ءراسىمى وتكەنىن انىقتادى. تويدا پوليتسيا قىزمەتكەرلەرى شامامەن 70 ادام بولعانىن العا تارتادى.
وسىنداي تالاپ بۇزۋشىلىق "الاش" جانە "باگراتيون" مەيرامحانالارىندا انىقتالعان. ءبىرتالاي قوناق جينالعان.

21 قاراشا كۇنى ساعات 23:32-دە ءموبيلدى توپ 40-قا جۋىق ادام جينالعان IZI Bear bar بارىن انىقتادى.

"كوپتەگەن نىسان جۇمىس رەجىمىن بۇزىپ جاتادى. سانيتارلىق دارىگەردىڭ قاۋلىسىنا سايكەس تاماقتانۋ ورىندارى 22:00-گە دەيىن جۇمىس ىستەۋى كەرەك. بۇگىنگى تاڭدا كوپتەگەن نىساندار جۇمىسىن جالعاستىرۋدا، كوپ ادام بولىپ جينالاتىن جەرلەر دە بار، بۇعان تىيىم سالىنادى. بۇل ءۇشىن ولار اكىمشىلىك جاۋاپكەرشىلىككە تارتىلادى"،-دەدى ەسىل اۋدانىنىڭ سانيتارلىق-ەپيدەميالىق قاداعالاۋ باسقارماسىنىڭ ءبولىم باسشىسى ايمان جاناتاەۆا.

كارانتيندى بۇزعان مەكەمە يەلەرىنە قاتىستى جينالعان ماتەريالدار ءىس جۇرگىزۋ شەشىمىن قابىلداۋ ءۇشىن، نۇر-سۇلتان قالاسىنىڭ تاۋارلار مەن كورسەتىلگەن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنا جولداندى.

23 قاراشاداعى جاعداي بويىنشا نۇر-سۇلتان قالاسىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنە اۋداندىق پوليتسيا باسقارمالارىنان كارانتيندى بۇزۋعا جول بەرگەن تۇلعالارعا قاتىستى 2129 ماتەريال كەلىپ ءتۇستى. 1069 جەكە جانە زاڭدى تۇلعا جالپى سوماسى 210 747 966 تەڭگەگە اكىمشىلىك جاۋاپكەرشىلىككە تارتىلدى.

بۇگىنگى كۇنى جالپى سوماسى 162 395 245 تەڭگەگە 825 اكىمشىلىك ايىپپۇل تولەندى.

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار