ايماقتار • 21 قاراشا، 2020

پاۆلوداردا COVID-19-عا قارسى ءىس-قيمىل جونىندەگى وبلىستىق جەدەل شتابتىڭ وتىرىسى ءوتتى

28 رەت كورسەتىلدى

ءوڭىر باسشىسى قالا مەن اۋدان اكىمدەرى، سونىمەن قاتار باس دارىگەرلەردىڭ ەسەپتەرىن تىڭدادى، دەپ حابارلايدى Egemen.kz Pavlodarnews.kz سايتىنا سىلتەمە جاساپ.

پاۆلودار وبلىسى اكىمىنىڭ ءباسپاسوز قىزمەتىنىڭ مالىمدەۋىنشە، ابىلقايىر سقاقوۆ قوعامدىق ورىنداردا سانيتارلىق رەجيمنىڭ ساقتالۋىن باقىلاۋعا ەرەكشە نازار اۋدارۋدى تاپسىردى.

سوڭعى تاۋلىكتە پاۆلودار وبلىسىندا كوروناۆيرۋس ينفەكتسياسىن جۇقتىرعان 85 ادام انىقتالدى. ال، وتكەن جەتى كۇندە وڭىردە 7 018 پتر تەست تاپسىرىلدى، بۇل ءبىر اپتا بۇرىنعىعا قاراعاندا 1،5 ەسە كوپ.

اۋىلدىق ەلدى مەكەندەردە دە كۆي تىركەلىپ جاتىر. اتاپ ايتقاندا، اققۋلى اۋدانىندا ءبىر اپتا ىشىندە COVID-19 جۇقتىرعان 13 ادام انىقتالدى. سوندىقتان جەرگىلىكتى بيلىك اۋدان ورتالىعىنا كىرىپ-شىعۋدى شەكتەۋ تۋرالى شەشىم قابىلدادى. سونىمەن قاتار، كەيبىر مەكتەپتەردى قاشىقتان وقىتۋعا اۋىستىردى. قوروناۆيرۋستىڭ انىقتالۋىنا بايلانىستى ۋسپەن اۋدانىندا دا شەكتەۋ شارالارى قولعا الىندى.

ابىلقايىر سقاقوۆ تۇرعىندار مەن مەديتسينا قىزمەتكەرلەرى اراسىندا كۆي-گە قاتىستى ساقتىقتى ارتتىرۋ قاجەتتىگىن اتاپ ءوتتى.
- قوسىمشا شەكتەۋ شارالارى ەنگىزىلگەلى ەكى اپتا بولدى، بىراق جاعداي ايتارلىقتاي جاقسارماي كەلەدى. كوروناۆيرۋسقا قارسى تۇرۋ ءۇشىن بارلىق جاعداي جاسالعان، قاجەتتى رەسۋرستار بار. دەگەنمەن، ينفەكتسياعا قاتىستى ساقتىق ءالى دە ءتيىستى دەڭگەيدە ەمەس. سىزدەر ادامدار كوپ جينالاتىن جەرلەردە سانەپيدرەجيمنىڭ ساقتالۋىن قامتاماسىز ەتۋگە تىكەلەي جاۋاپتىسىزدار، - دەپ وبلىس باسشىسى اكىمدەر مەن مەديتسينالىق ۇيىمداردىڭ باسشىلارىنا جاۋاپكەرشىلىك تۋرالى ەسكە سالدى.
بلىس اكىمى كۆي-ءدىڭ انىقتالۋ فاكتىلەرىنە بايلانىستى ەپيدەميولوگيالىق تەكسەرۋلەردىڭ ۋاقىتىندا ءارى ساپالى جۇرگىزىلۋىنە قاتىستى بىرقاتار تاپسىرما بەردى.

سوڭعى جاڭالىقتار

الەم كۋبوگى وتەدى

سپورت • كەشە

ۇقساس جاڭالىقتار