"مەملەكەت باسشىسى اعىمداعى جىلعى 13 قاراشادا مەملەكەتتىك قىزمەت سالاسىنداعى كەيبىر اكتىلەرگە وزگەرىستەر ەنگىزۋدى كوزدەيتىن جارلىققا قول قويدى.
وسىلايشا, ەلىمىزدە ساياسي قىزمەتشىلەردى روتاتسيالاۋ ينستيتۋتى العاش رەت ەنگىزىلدى (بۇرىن روتاتسيا اكىمشىلىك قىزمەتشىلەرگە عانا قولدانىلعان). ەندى, ساياسي قىزمەتشىلەر اتقاراتىن لاۋازىمىنا تاعايىندالعان كۇننەن باستاپ ءاربىر ءتورت جىل سايىن روتاتسيالاناتىن بولادى", دەپ جازدى ەرحان تاتكەن.
بۇل رەتتە ءتيىستى مەملەكەتتىك ورگان باسشىسىنىڭ شەشىمى بويىنشا ساياسي قىزمەتشىنىڭ اتقاراتىن لاۋازىمىندا بولۋ مەرزىمى ەكى جىلعا ۇزارتىلۋى مۇمكىن. كەيىننەن ەكى جىلعا ۇزارتۋ پرەزيدەنت جانىنداعى كادر ساياساتى جونىندەگى ۇلتتىق كوميسسيانىڭ شەشىمى بويىنشا عانا مۇمكىن بولادى.
وسىلايشا, ساياسي قىزمەتشىلەردىڭ لاۋازىمدا بولۋىنىڭ رۇقسات ەتىلگەن ەڭ ۇزاق مەرزىمى سەگىز جىلدان اسپايدى.
اگەنتتىكتىڭ ءباسپاسوز حاتشىسى ەرحان تاتكەننىڭ سوزىنشە ساياسي قىزمەتشىلەردى روتاتسيالاۋ ينستيتۋتى 2021 جىلعى 1 قاڭتاردان باستاپ ەنگىزىلەدى.
سونداي-اق, وسى جارلىقپەن «ب» كورپۋسىنىڭ قىزمەتشىلەرىن روتاتسيالاۋ تارتىبىنە تولىقتىرۋلار ەنگىزىلدى. ماسەلەن, اكىمدىكتەر باسقارمالارىنىڭ باسشىلارىنا وڭىرارالىق روتاتسيالاۋ ەنگىزىلدى (بۇرىن ولاردى روتاتسيالاۋ تەك ءبىر اكىمدىك شەگىندە عانا مۇمكىن بولاتىن). بۇل رەتتە مۇنداي روتاتسيا اكىمدىكتەردە كوماندالىق ورىن اۋىستىرۋعا جول بەرمەۋ ماقساتىندا اگەنتتىكپەن كەلىسىم بويىنشا جۇرگىزىلەتىن بولادى.
بۇدان باسقا, سوڭعى ءۇش جىلدان كەم ەمەس بەلگىلى ءبىر باسشىلىق لاۋازىمداردى اتقاراتىن, ونىڭ ىشىندە ءارتۇرلى مەملەكەتتىك ورگانداردا جۇمىس ىستەيتىن «ب» كورپۋسىنىڭ قىزمەتشىلەرىن ەرىكتى روتاتسيالاۋ ەنگىزىلدى. سونىمەن قاتار, مۇنداي روتاتسيا باسقا اكىمشىلىك-اۋماقتىق بىرلىككە عانا مۇمكىن بولادى.
زەينەتكەرلىك جاسقا تولعانعا دەيىن ءۇش جانە ودان از جىل قالعان قىزمەتشىلەرگە روتاتسيادان باس تارتۋ قۇقىعى بەرىلگەنىن اتاپ وتكەن ءجون.
"روتاتسيانىڭ نەگىزگى ماقساتتارى مەملەكەتتىك ورگاندار قىزمەتىنىڭ تيىمدىلىگىن ارتتىرۋ, سىبايلاس جەمقورلىق قۇقىق بۇزۋشىلىقتاردىڭ الدىن الۋ, سونداي-اق قىزمەتشىلەردىڭ كاسىبي الەۋەتى مەن باسقارۋشىلىق تاجىريبەسىن دامىتۋ جانە ءتيىمدى پايدالانۋ بولىپ تابىلادى.
سونداي-اق, وسى جارلىقپەن "ب" كورپۋسىنىڭ قىزمەتشىلەرىن مەملەكەتتىك ورگانداردىڭ ىشىندە اۋىسۋ تارتىبىمەن تاعايىنداۋ مۇمكىندىگى ەنگىزىلدى.
سونىمەن, مەملەكەتتىك قىزمەتكەرلەر مەملەكەتتىك ورگان ىشىندەگى وزگە دە تەڭ دارەجەلى لاۋازىمعا, سونداي-اق جوعارى تۇرعان لاۋازىمعا وسى مەملەكەتتىك ورگاندا كەمىندە سوڭعى ەكى جىل تومەن تۇرعان لاۋازىمدا ءوتىلى بولعان جاعدايدا اۋىسۋ تارتىبىمەن تاعايىندالۋى مۇمكىن.
بۇل وزگەرىس مەملەكەتتىك قىزمەتشىلەردىڭ مەملەكەتتىك ورگاندار ىشىندە مانساپتىق ىلگەرىلەۋىنە ىقپال ەتەدى", دەدى ەرحان تاتكەن.
