قالالىق تسيفرلاندىرۋ باسقارماسى مەن جۇمىسپەن قامتۋ ورتالىعى سoursera كومپانياسىمەن كەلىسىمگە كەلگەن بولاتىن. كەلىسىم اياسىندا 5000 ادام الەمنىڭ بەدەلدى ۋنيۆەرسيتەتتەرىندەگى وقۋ كۋرستارىنا تەگىن قاتىسا الادى. بۇعان دەيىن كۋرسقا قاتىسۋعا ءوتىنىم بەرۋ ۋاقىتى قازان ايىنىڭ سوڭىنا دەيىن, ال ساباقتاردى تەگىن پايدالانۋ 31 جەلتوقسانعا دەيىن عانا بولسا, ەندى بۇل مۇمكىندىك 2021 جىلدىڭ اقپان ايىنا دەيىن ۇزارتىلىپ وتىر. بيىل قازان ايىنىڭ سوڭىنا دەيىن تىركەلىپ ۇلگەرگەن ازاماتتار اقپان ايىنا دەيىن ساباقتاردى تەگىن پايدالانا الادى.
– باعدارلاما وتە جاقسى ناتيجە كورسەتىپ وتىرعاندىقتان, ونى ۇزارتۋ تۋرالى شەشىم قابىلدادىق. سoursera ارقىلى ءبىلىم الۋ – الەمدەگى ۇزدىك ۋنيۆەرسيتەتتەر مەن ءىرى الەمدىك كومپانيا ديپلومدارىن, سەرتيفيكاتتارىن يەلەنۋدىڭ, سوعان ساي سۇرانىسقا يە مامان بولۋدىڭ تاماشا جولى, – دەيدى بايان قوڭىرباەۆ.
قازىر وسى ونلاين وقۋ جوباسى اياسىندا سۇرانىسقا يە كۋرستاردىڭ الدىڭعى لەگىندە Communication, Computer Programming, Mathematics, Probability and Statistics, Statistical Programming, Data Analysis, Leadership and Management, Entrepreneurship, Theoretical Computer Sciences جانە Finance سالالارى تۇر.
الماتىلىقتاردىڭ كۋرسقا قاتىسۋعا دەگەن بەلسەندىلىگى جوعارى. بۇل جاس مامانداردىڭ كاسىبي دامۋعا جانە ەڭبەك نارىعىنداعى باسەكەگە قابىلەتتىلىكتى ارتتىرۋعا دەگەن ىنتاسى مەن ىقىلاسىنىڭ بار ەكەنىن اڭعارتادى دەيدى باسقارما باسشىسى.
Enbek.kz پورتالىندا كۋرستارعا وتىنىمدەر قابىلداۋ جالعاسىپ جاتىر. ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە, قازىردىڭ وزىندە 65 مىڭنان استام قازاقستاندىق ونلاين جوبا ارقىلى ءبىلىم الۋعا نيەت بىلدىرگەن. ال 32 مىڭ قازاقستاندىق وقۋدى باستاپ كەتكەن.
ەسكە سالايىق, الەمگە ايگىلى سoursera ونلاين جوباسىندا جاھان بويىنشا 60 ميلليوننان استام پايدالانۋشى تىركەلىپ, ولار 5000-عا جۋىق كۋرس پەن 400-دەن استام ماماندىق ءتۇرىن مەڭگەرە الادى. سونىمەن قاتار جوباعا قاتىسۋشىلار 150 ءبىلىم بەرۋ مەكەمەسىنىڭ قىزمەتىن تۇتىنادى.
اباي ايماعامبەت,
"Egemen Qazaqstan"
الماتى
