"سوڭعى اي ىشىندە ازاماتتارعا قوڭىراۋ شالىپ, ءوزىن حقو قىزمەتكەرىمىن دەپ تانىستىرىپ, قارىزىن تولەۋدى نەمەسە تەكسەرىس ءۇشىن جەكە باسىنىڭ مالىمەتتەرىن سۇرايتىن الاياقتاردىڭ ارەكەتى جيىلەگەن. پاۆلودار مەن ەكىباستۇز قالالارىنىڭ جانە ەرتىس اۋدانىنىڭ حالىققا قىزمەت كورسەتۋ ورتالىقتارىنا ادامدار كەلىپ, حقو قىزمەتكەرلەرى اتىنان ولارعا قوڭىراۋ شالعان بەلگىسىز ادامداردىڭ قارىزدارىن وتەمەگەن جاعدايدا ەتسق كىلتتەرى مەن جەكە باس كۋالىكتەرىن بۇعاتتاۋى جايلى حابارلاسقانىن ايتقان ەكەن", دەيدى وبلىستىق "ازاماتتارعا ارنالعان ۇكىمەت" PR-مەنەدجەرى مەيرامگۇل ابدراحمانوۆا.
كەلەڭسىز جايتتاردى بولدىرماۋ ءۇشىن مەملەكەتتىك كورپوراتسيا قىزمەتكەرلەرىنىڭ ەشكىمگە قوڭىراۋ شالمايتىنىن, بورىشكەرلەردىڭ مالىمەتتەر بازاسىن كورە المايتىنىن جانە كوللەكتورلىق كومپانيالاردىڭ جۇمىسىنا ەش قاتىسى جوقتىعىن حابارلايدى.
"ازاماتتارعا ارنالعان ۇكىمەت" پەن قىزمەت الۋشىلار اراسىنداعى كەز كەلگەن بايلانىس 1414 نومىرىنەن جولداناتىن SMS حابارلاما تۇرىندە عانا بولۋى مۇمكىن, ازاماتتارعا برونداۋ, قۇجاتتار مەرزىمىنىڭ اياقتالۋى, قۇجاتتىڭ دايىن بولعانى نەمەسە كومپوزيت قىزمەتتەرىنە قاتىستى حابارلامالار جولدانادى.
