"Astana Innovations Challenge" اياسىندا ستارتاپتار بايقاۋى وتەدى

باعدارلامالار • 20 قاراشا، 2020

"Astana Innovations Challenge" اياسىندا ستارتاپتار بايقاۋى وتەدى

11 رەت كورسەتىلدى

نۇر-سۇلتانداعى "Astana Innovations Challenge" اياسىندا جاساندى ينتەللەكت پەن ينتەرنەتتەگى زاتتاردىڭ كومەگىمەن مەديتسينالىق تەحنولوگيالاردى جەتىلدىرۋگە ارنالعان بىرقاتار ءىس-شارالار وتەدى، دەپ حابارلايدى Egemen.kz

ايىم ءداۋىت

25-26 قاراشا كۇندەرى ەلوردالىق تسيفرلاندىرۋ جانە مەملەكەتتىك قىزمەتتەر باسقارماسى، Astana Innovations پەن Astana IT University بىرلەسىپ العاشقى HealthTech & Well-being حاكاتونىن وتكىزەدى. ازىرلەۋشىلەر دەنساۋلىق ساقتاۋدىڭ جاڭا تەحنولوگيالارىن قۇرۋ بويىنشا جۇمىس ىستەيدى. قاتىسۋشىلار 28 قاراشادا وتەتىن بۋتكەمپ كەزىندە جاسالعان ازىرلەمەلەردى ودان ءارى جەتىلدىرە الادى.

ء"بىر كۇندىك بۋتكەمپ كەزىندە حاكاتون شەڭبەرىندە قولدانىستاعى ستارتاپتار مەن جاڭادان جاسالعان شەشىمدەردى جەتىلدىرۋگە بولادى. ءىس-شارا ستارتاپ يندۋسترياسىنداعى قازاقستاندىق جانە شەتەلدىك ساراپشىلار ۇسىنعان تالىمگەرلىك جانە ءبىلىم بەرۋ سەسسيالارىنان تۇرادى"، دەپ ءتۇسىندىردى ۇيىمداستىرۋشىلار.

قورىتىندى ءىس-شارا 29 قاراشادا HealthTech جانە Well-being ستارتاپتار بايقاۋى بولادى. وندا دەنساۋلىق ساقتاۋ سالاسىن وزگەرتەتىن جانە قازاقستاندىقتاردىڭ ءومىرىن جاقسارتاتىن ەلدىڭ جەتەكشى ستارتاپتارىن بىرىكتىرىلەدى.

"150-گە جۋىق قازاقستاندىق ازىرلەۋشىلەر، ديزاينەرلەر، مەديتسينا ماماندارى جانە عالىمدار سالاۋاتتى ءومىر سالتىن، سونىڭ ىشىندە COVID-19-بەن بايلانىستى ماسەلەلەردى شەشۋدىڭ ءتيىمدى جولدارىن تالقىلايتىن بولادى"، دەلىنگەن تاراتىلعان حابارلامادا.

اتاپ ايتقاندا، الداعى "Astana Innovations Challenge" كەلەسى شەشىمدەردى ىزدەستىرۋ جۇمىستارى جوسپارلانعان: اۋرۋحانالار ءۇشىن دەرەكتەردى وڭدەۋ; ۆيرتۋالدى مەديتسينالىق كومەكشى; ناۋقاستى قاشىقتان تەكسەرۋ; جەدەل جاردەمگە ارنالعان GPS مونيتورينگى; مەديتسينالىق جانە جەدەل بايلانىستى جاقسارتۋ; سپورتتاعى جانە سالاۋاتتى ءومىر سالتىن ساقتاۋ سالاسىنداعى ۇلكەن مالىمەتتەر; جۇمىستا / كۇندەلىكتى ومىردە سالاۋاتتى ءومىر سالتىنا ارنالعان شەشىمدەر.

"بۇگىنگى دەنساۋلىق ساقتاۋ سالاسىنداعى يننوۆاتسيالار بىرقاتار تەحنولوگيالاردى قامتيدى. ادەتتە، مەديتسينالىق مالىمەتتەر قاعاز تۇرىندە بولسا دا، ۇزاق جىلدار بويى ناقتى جينالادى جانە ساقتالادى. ولاردى تسيفرلاندىرۋ ەلەكتروندى دەنساۋلىق دەپ اتالادى، پاتسيەنتتەر مەن اۋرۋحانالاردىڭ كوپتەگەن مالىمەتتەرىنە اناليتيكالىق جانە ينفورماتيكا ادىستەرىن قولدانۋعا جول اشادى. دەرەكتەردى جيناۋ جۇيەلەرىن بىرتىندەپ ستاندارتتاۋدا يننوۆاتورلار دەنساۋلىق ساقتاۋ مەن ساۋىقتىرۋ تەحنولوگيالارىن باسقارۋدىڭ كوپتەگەن نۇسقالارىنا يە"، دەپ اتاپ ءوتتى ۇيىمداستىرۋشىلار.

حاكاتوننىڭ جۇلدە قورى 1 600 000 تەڭگەنى، ستارتاپ-كونكۋرس 1 000 000 تەڭگەنى قۇرايدى.

حاكاتونعا قاتىسۋعا وتىنىمدەر 24 قاراشاعا دەيىن، ستارتاپ-كونكۋرسقا 27 قاراشاعا دەيىن قابىلدانادى. تىركەۋ Astana Innovations Challenge ۆەب-سايتىندا مىنا سىلتەمە بويىنشا اشىق: ainchallenge.kz. تولىق اقپاراتتى 8 (7172) 57-89-83، 8 (7172) 57-89-59 تەلەفوندارى نەمەسە kurmanbayev.d@ain.kz پوشتاسى ارقىلى بىلۋگە بولادى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز