ەلوردا • 20 قاراشا، 2020

ەلوردالىقتار كارانتين رەجىمىن بۇزعان مەكەمەگە شاعىمداندى

6 رەت كورسەتىلدى

نۇر-سۇلتاندا پوليتسيا، ەرىكتىلەر مەن اكىمدىك وكىلدەرىنەن قۇرالعان ءموبيلدى توپتار رەيدتەرى جالعاسىپ جاتىر، دەپ حابارلايدى Egemen.kz

ەسىل اۋدانىندا تۇنگى ارالاۋ كەزىندە تىيىم سالىنعان ۋاقىتتا جۇمىس ىستەيتىن بىرقاتار مەكەمەلەر انىقتالدى. كەيبىر بارلار مەن مەيرامحانالارعا تۇرعىنداردىڭ وزدەرى شاعىمدانادى.

سونىمەن، ساعات 01.54-تە تۇندە جۇمىسىن جالعاستىرىپ جاتقان "باريتون" كاراوكە-كلۋبى تۋرالى نۇر-سۇلتان پد جەدەل باسقارۋ ورتالىعىنىڭ 102 پۋلتىنە شاعىم ءتۇستى.

"وقيعا ورنىنا جەتكەن پوليتسيا تجد-ءنىڭ كومەگىمەن يەلەرى ىشىنەن جاۋىپ العان ويىن-ساۋىق مەكەمەسىنىڭ ەسىگىن اشتى، ولار بۇزۋشىلىقتار ءۇشىن جازادان جالتارعىلارى كەلگەن. 24 ادامنان تۇراتىن اكىمشىلىك پەن كليەنتتەر قوسىمشا تەرگەۋ جۇرگىزۋ ءۇشىن نۇر-سۇلتان پد ەسىل اۋداندىق پوليتسيا باسقارماسىنا جەتكىزىلدى"، دەپ حابارلادى پوليتسيادا.

تەكسەرۋ ناتيجەلەرى بويىنشا تۇنگى تىنىشتىقتى بۇزعانى ءۇشىن 15 تۇلعا اكىمشىلىك جاۋاپكەرشىلىككە تارتىلدى.

"كەيبىر ادامدار قوعامدىق ورىندارعا، ونىڭ ىشىندە مونشا، كاراوكە-بارلارعا بارادى. تۋعان كۇن نەمەسە باسقا دا اتاۋلى كۇندەردە وتىزدان استام ادام جينالىپ، كەزدەسۋلەر، ۇيلەنۋ تويلارى، مەرەكەلەر وتكىزىپ، وزدەرى مەن جاقىندارىنىڭ دەنساۋلىعىنا قاۋىپ توندىرەدى. قازىرگى ۋاقىتتا ءموبيلدى توپتاردىڭ جۇمىسىنىڭ ارقاسىندا بۇزۋشىلىقتاردىڭ سالىستىرمالى تۇردە تومەندەۋى بايقالادى. قوعامدىق تاماقتانۋ پۋنكتتەرى 9:00-دەن 22:00-گە دەيىن، ازىق-ت ۇلىك دۇكەندەرى 23:00-گە دەيىن، ساۋنالار مەن مونشالار 21:00-گە دەيىن جۇمىس ىستەۋى كەرەك"، دەدى الماتى اۋدانى سانيتارلىق-ەپيدەميالىق قاداعالاۋ باسقارماسى مامانى گۇلميرا نۇربەكقىزى.

ەسكە سالايىق، ەلورداداعى سانيتارلىق-ەپيدەميالىق قاداعالاۋ دەپارتامەنتىنىڭ مالىمەتى بويىنشا 500 ميلليون تەڭگەگە كاسىپكەرلىك سۋبەكتىلەرى  اكىمشىلىك جاۋاپكەرشىلىككە تارتىلدى.

سوڭعى جاڭالىقتار

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار