جەڭىمپازداردى ماراپاتتاۋ راسىمىنە قازاقستان حالقى اسسامبلەياسى توراعاسىنىڭ ورىنباسارى, اسسامبلەيا حاتشىلىعىنىڭ مەڭگەرۋشىسى جانسەيىت تۇيمەباەۆ, اقپارات جانە قوعامدىق دامۋ ۆيتسە-ءمينيسترى مارات ءازىلحانوۆ جانە تاعى باسقالارى قاتىستى.
جانسەيىت تۇيمەباەۆ ءوز سوزىندە جوبا قازاقستان حالقى اسسامبلەياسىنىڭ باستاۋىمەن ەلىمىزدىڭ بارلىق وڭىرلەرىندە 2015 جىلدان بەرى ىسكە اسىرىلىپ جاتقانىن ايتتى. جوبا مەملەكەتتىك ءتىلدى ۇيرەنۋگە نيەت بىلدىرگەندەرگە جاقسى مۇمكىندىك بەرەتىنىن اتاپ ءوتتى. سوندىقتان جوباعا قاتىسۋشىلار مەن جەڭىمپازدار سانى جىلدان جىلعا ۇلعايىپ كەلەدى. ماسەلەن, 2018 جىلى جەڭىمپازدار سانى 47 بولسا, 2019 جىلى 57-گە دەيىن جەتتى.
اعىمداعى جىلى 65 ادام جوبا جەڭىمپازى اتاندى.
«مىڭ بالا» جوباسى شەڭبەرىندە وسى جىلى قازاق تىلىنە ۇيرەتەتىن ء«تىل مەكتەبى» اتتى اۆتورلىق باعدارلاما ازىرلەندى, ءتۇرلى ەتنوستاردىڭ بالالارى مەن جاستارىنا ارنالعان «اسىل ءسوز» مەكتەبىنىڭ كوممۋنيكاتيۆتى ترەنينگتەرى مەن كۋرستارى وتكىزىلدى. اعىمداعى جىلى جوبا شەڭبەرىندە «ابايدىڭ 175 جىلدىعى» اكتسياسى ىسكە اسىرىلعانى ايتۋلى وقيعا.
ءوز كەزەگىندە وڭىرلەردەگى جوبا جەڭىمپازدارى دا ءسوز الىپ, اتالمىش جوباعا قاتىسىپ ءوز قابىلەتتەرىن كورسەتە بىلگەندەرى ءۇشىن جوبا ۇيىمداستىرۋشىلارىنا العىستارىن ءبىلدىردى. بارلىق وڭىرلەردەگى جەڭىمپازدارعا العىس حاتتار مەن باعالى سىيلىقتار جىبەرىلدى.
ءىس-شارا ۇيىمداستىرۋشىسى – قر اقدم قولدانبالى ەتنوساياسي زەرتتەۋلەر ينستيتۋتى.
