الەم • 20 قاراشا، 2020

يۋنيسەف: قازاقستان حالىقارالىق دەڭگەيدە كوش باستاپ كەلەدى

25 رەت كورسەتىلدى

قازاقستاندا بالالاردىڭ جاعدايىن جاقسارتۋ باعىتىندا ەداۋىر ىلگەرىلەۋ بايقالادى، سونداي-اق ەلىمىز بالا قۇقىقتارىن قورعاۋ بويىنشا الەمدە جەتەكشى ورىنعا يە. بۇل تۋرالى بۇگىن دۇنيەجۇزىلىك بالالار كۇنىنە ارنالعان بريفينگ بارىسىندا بۇۇ بالالار قورىنىڭ (يۋنيسەف) قازاقستانداعى وكىلىنىڭ ورىنباسارى ۆەرونيكا ۆاششەنكو مالىمدەدى.

«1994 جىلى قازاقستان بالالارعا مەيىرىمدى قوعام قۇرۋدىڭ قۇرالىنا اينالعان بالا قۇقىقتارى تۋرالى كونۆەنتسيانى قابىلدادى. ءدال سول كەزدە يۋنيسەف قازاقستاندا ءوز كەڭسەسىن اشقان بولاتىن. كونۆەنتسيا راتيفيكاتسيالانعان ساتتەن باستاپ قازاقستان ەلدەگى بالالاردىڭ جاعدايىن جاقسارتۋ بارىسىندا ەداۋىر ىلگەرىلەۋ تانىتىپ، وڭىرلىك جانە حالىقارالىق دەڭگەيدە بالا قۇقىقتارىن قورعاۋ بويىنشا كوشباسشىلارىنىڭ بىرىنە اينالدى»، – دەپ اتاپ ءوتتى بۇۇ بالالار قورىنىڭ (يۋنيسەف) قازاقستانداعى وكىلىنىڭ ورىنباسارى ۆەرونيكا ۆاششەنكو.

ۆ. ۆاششەنكو مەملەكەت باسشىسى بالالاردىڭ قۇقىقتارىن قورعاۋ ماسەلەسىنە ەرەكشە نازار اۋداراتىنىن اتاپ ءوتتى. «پرەزيدەنت قاسىم-جومارت توقاەۆ 2020 جىلعى 1 قىركۇيەكتە جاريالانعان قازاقستان حالقىنا جولداۋىندا بالالاردىڭ قۇقىقتارىن قورعاۋ جونىندەگى شارالاردى كۇشەيتۋگە باسا نازار اۋداردى. بۇل وتە ماڭىزدى»، – دەدى يۋنيسەف وكىلى.

قازاقستان رەسپۋبليكاسىنىڭ ءبىلىم جانە عىلىم مينيسترلىگى ۇيلەستىرۋشى جانە بەيىندى ۆەدومستۆا رەتىندە بالالاردىڭ قۇقىقتارىن قورعاۋ بويىنشا كەشەندى شارالاردى بەلسەندى تۇردە جۇرگىزىپ وتىر.

«2020 جىلدىڭ قاڭتار ايىنان باستاپ بارلىق وڭىردە «بالالار قۇقىقتارى جونىندەگى جەرگىلىكتى ۋاكىل» قىزمەتى ەنگىزىلدى. بۇل ينستيتۋت ءوز تيىمدىلىگىن دالەلدەدى. سونداي-اق كامەلەتكە تولماعانداردىڭ قۇقىقتارىن قورعاۋ ماسەلەلەرى بويىنشا ورتالىقتىڭ ايماقتارىمەن ءوزارا ارەكەتتەستىگىن كۇشەيتتى»، –  دەپ اتاپ ءوتتى بيبىگۇل اسىلوۆا.

سوڭعى جاڭالىقتار

ىندەت جۇقتىرعاندار سانى كوبەيدى

كوروناۆيرۋس • بۇگىن، 13:58

سەمەيگە جاڭا اكىم تاعايىندالدى

تاعايىنداۋ • بۇگىن، 11:57

الماتىدا 10 كىتاپحانا جاڭارتىلدى

ايماقتار • بۇگىن، 10:47

قازاقستان «قىزىل» ايماققا كىردى

قازاقستان • بۇگىن، 09:30

ۇقساس جاڭالىقتار