"ەكى جوبا دا سالاعا جاڭا سەرپىن بەرەدى دەپ سانايمىن. پايدالانىلعان سۋدى ەكىنشى رەت قايتا قولدانۋ جانە جاڭبىرلاتىپ, تامشىلاتىپ سۋعارۋ ءادىسىن ەنگىزۋ ارقىلى ءبىز ارتاراپتاندىرۋعا باعىتتالعان جۇمىستارىمىزدى جەتىلدىرە تۇسەمىز. سوندىقتان, بۇل باعىتتاعى ەگىن ورنالاستىرۋ كولەمى مەن مال ازىقتىق داقىلدار ۇلەسى ۇلعايتىلاتىن بولادى. ۇسىنىلىپ جاتقان جوبالاردى قولداپ جۇزەگە اسىرۋىمىز قاجەت", - دەدى گۇلشارا ابدىقالىقوۆا.
ءبىرىنشى جوبا – «قىزىلوردا AGRO PLUS» جشس-ءنىڭ «جاڭاقورعان اۋدانىندا تامشىلاتىپ سۋارۋ ادىسىمەن 3 مىڭ گا جەرگە وندىرىستىك نەگىزدە قىزاناق داقىلىن ءوسىرۋ» جانە كۋاتتىلىعى جىلىنا 15 مىڭ توننالىق كونتسەنترلەنگەن قىزاناق پاستاسىن وندىرەتىن زاۋىت قۇرىلىسىن ينۆەستيتسيالاۋ جوباسى. قۇنى 26,8 ملن ەۋرو بولاتىن جوبانى جۇزەگە اسىرۋ بارىسىندا 500-گە دەيىن جۇمىس ورنىن اشۋ كوزدەلۋدە. قازاقستاننىڭ ءتۇرلى وبلىستارىندا قويىلتىلعان تومات پاستاسىن ءوندىرۋ بويىنشا تولىق تسيكلدى زاۋىت قۇرۋدى كوزدەيتىن باستاما قۇرىلتايشىسى «Orbis Agro» كومپانياسى.
ەكىنشى جوبا اياسىندا شيەلى اۋدانىندا پايدالانىلعان اعىن سۋدى قايتا قولدانۋ ارقىلى جاڭبىرلاتۋ تاسىلىمەن 10 مىڭ گەكتارعا جوڭىشقا ەگۋ قولعا الىنادى.
وبلىس اكىمى جاۋاپتى سالا باسشىلارىنا زاۋىتتار ءۇشىن ينفراسترۋكتۋراسى قامتىلعان جەر ۋچاسكەلەرىن بەلگىلەۋدى, قاجەتتى ينجەنەرلىك-ينفراقۇرىلىم جۇيەلەرىن جۇرگىزۋدى, يندۋستريالاندىرۋ كارتاسىنا ەنگىزۋگە وڭىرلىك ۇيلەستىرۋ كەڭەسىندە جەدەلدەتىپ قاراۋدى جانە اتالعان ينۆەستيتسيالىق جوبالاردىڭ تولىق ىسكە اسىرىلۋىن قامتاماسىز ەتۋدى تاپسىردى.
