ماسەلەن كەشە قالا ورتالىعىنداعى ساۋدا ۇيلەرىندە بىرىنەن 1984 جىلى تۋعان كەزبە ايەل انىقتالدى. تەكسەرۋ بارىسىندا ونىڭ وسكەمەن قالاسىنىڭ تۋماسى ەكەندىگى, اقتوبە قالاسىندا اسپاز بولىپ جۇمىس ىستەگەن ءجۇرىپ تامىز ايىندا ءىز-ءتۇزسىز جوعالعاندىعى انىقتالدى. بارلىق جەكە قۇجاتتارىن جوعالتىپ, شاراسىزدىقتان ىشىمدىككە سالىنىپ كەتكەن ايەلدى پوليتسەي قىزمەتكەرلەرى دەرەۋ پوليتسيا پۋنكتىنە جەتكىزىپ, تاماقتاندىرىپ, قالالىق الەۋمەتتىك بەيىمدەۋ ورتالىعىنا جەتكىزدى. وندا ول تاماقپەن جانە قاجەتتى مەديتسينالىق ءدارى-دارمەكتەرمەن قامتاماسىز ەتىلدى.
قىزىلوردا قالالىق پوليتسيا باسقارماسىنىڭ كريمينالدىق پوليتسيا قىزمەتكەرلەرى وسكەمەندەگى ارىپتەستەرىمەن بايلانىسقا شىعىپ, ءىز-ءتۇسسىز جوعالعان ايەلدىڭ امان –ەسەن تابىلعانىن حابارلادى. جاقىن ارادا ايەلدىڭ تۋىستارى كەلىپ ۇيىنە الىپ قايتاتىن بولادى.
