ءىس-شاراعا تۇركى كەڭەسىنىڭ كەدەن ورگاندارىنىڭ, كولىك مينيسترلىكتەرىنىڭ, سونداي-اق وزبەكستان مەن قازاقستاننىڭ حالىقارالىق تاسىمالداۋشىلارى قاۋىمداستىعىنىڭ جانە حتق-ءنىڭ وكىلدەرى قاتىستى.
«eTIR» جۇك تاسىمالداۋ جۇيەسىن تسيفرلاندىرۋعا باعىتتالعان جانە جۇكتەردى شەكارادا كەدەندىك باقىلاۋ راسىمدەرىن وتپەي, تاسىمالداۋعا مۇمكىندىك بەرەدى.
تۇركى كەڭەسى باس حاتشىسىنىڭ ورىنباسارى ميرۆوحيد ازيموۆ راسىمدە ءسوز سويلەۋ بارىسىندا «eTIR»-ءدىڭ كەدەن ورگاندارىنىڭ دا, جۇك تاسىمالداۋشىلاردىڭ دا جۇمىسىن ايتارلىقتاي وڭتايلاندىرۋعا, پايدالانۋ شىعىندارىن قىسقارتۋعا, تاسىمالداۋدى جەدەلدەتۋگە جانە ناقتى ۋاقىت رەجىمىندە جۇمىس جاسايتىن سەنىمدى حالىقارالىق دەرەكتەر قورىنىڭ ارقاسىندا ونى ودان ءارى قاۋىپسىز ەتۋگە مۇمكىندىك بەرەتىن حالىقارالىق جۇك تاسىمالدارىنداعى ماڭىزدىلىعىن اتاپ ءوتتى.
باس حاتشىنىڭ ورىنباسارى م.ازيموۆ 2020 جىلعى 10 ساۋىردە وتكەن تۇركى كەڭەسىنىڭ كەزەكتەن تىس سامميتىندە مۇشە مەملەكەتتەردىڭ باسشىلارى پاندەميا كەزىندە ازىق-ت ۇلىك قاۋىپسىزدىگىن جانە نەگىزگى تاۋارلاردىڭ كەدەرگىسىز قوزعالىسىن قامتاماسىز ەتۋ ماقساتىندا كولىكتىك ىنتىماقتاستىقتى كەڭەيتۋ جونىندەگى باسىم مىندەتتەردى ايقىنداعانىن جانە تاراپتار اراسىنداعى بايلانىسسىز سىرتقى ساۋدا جۇيەلەرىن دامىتۋدىڭ ماڭىزدىلىعىن اتاپ ءوتتى.
وسى ورايدا وزبەكستان مەن قازاقستان اراسىندا «eTIR» قاناتقاقتى جوباسىن ىسكە قوسۋدى تابىستى ىنتىماقتاستىقتىڭ جانە مەملەكەت باسشىلارى قويعان باستى مىندەتتەردى تاجىريبەدە جۇزەگە اسىرۋدىڭ ايقىن مىسالى رەتىندە قاراستىرعان ءجون.
وسىعان قوسا «eTIR» قاناتقاقتى جوباسىنا قاتىسۋشىلار شەڭبەرىن ۇيىمنىڭ باسقا مۇشە مەملەكەتتەرىن جانە باقىلاۋشى مەملەكەتتەرىن تارتۋ ارقىلى كەڭەيتۋ قاجەتتىگى ايتىلدى.
قاتىسۋشىلار سونداي-اق وسىنداي باستامالاردىڭ ماڭىزدىلىعىن اتاپ ءوتتى جانە تۇركى كەڭەسى شەڭبەرىندە ءتيىمدى ءارى تۇراقتى كولىك تەتىكتەرىن قۇرۋ جولىندا كەزدەسەتىن كەدەرگىلەردى جويۋعا باعىتتالعان ەلەۋلى جوبالار مەن باعدارلامالاردى ىسكە اسىرۋدا ىنتىماقتاستىققا دايىن ەكەندەرىن ءبىلدىردى.
