دالىرەك ايتساق, قوس كومپانيا جامبىل, قاراعاندى جانە شىعىس قازاقستان وبلىستارىنىڭ اۋماعىن بارلاپ كورمەك. ولار جوبانى ىسكە اسىرۋعا 6 جىلدى ارناماق. ءبىرىنشى كەزەڭدەگى بارلىق گەولوگيالىق بارلاۋدى «Discovery Ventures Kazakhstan» جشس قارجىلاندىرادى. كەلىسىمشارتتىق ۋچاسكەلەردىڭ جالپى اۋدانى شامامەن 1 500 شارشى شاقىرىمعا تەڭ. وپەراتورلىق كەلىسىمدە التىن, مىس, مىرىش جانە ىلەسپە مەتالداردى بارلاۋ قاراستىرىلعان.
– قازىر وتاندىق مينەرالدى شيكىزات بازاسىنىڭ ءوندىرىس قارقىنى ايتارلىقتاي تومەندەۋدە. بۇل وتە ماڭىزدى ماسەلەگە اينالىپ وتىر. قازاقستاندا ورتا مەرزىمدى كەلەشەكتە جاڭا كەن ورىندارىنىڭ بولماۋى كەن بايىتۋ سالاسىنىڭ قۇلدىراۋىنا الىپ كەلۋى مۇمكىن. تاۋەكەلدىڭ جوعارىلىعىنا قاراماستان, ءبىز گەولوگيالىق بارلاۋ جوبالارىن باستاۋ تۋرالى شەشىم قابىلدادىق. بۇل الەمدىك ءۇردىس. كوپتەگەن ءىرى كومپانيالار قازىر ءدال وسى جولمەن ءجۇرىپ كەلەدى, – دەدى «تاۋ-كەن سامۇرىق» ۇلتتىق تاۋ-كەن كومپانياسى» اق باسقارما توراعاسى قانات قۇدايبەرگەن.
كومپانيا وكىلدەرىنىڭ حابارلاۋىنشا, بارلاۋدىڭ العاشقى جىلىندا تاريحي دەرەكتەردى جيناۋ جانە تۇسىندىرۋمەن, گەوفيزيكالىق زەرتتەۋلەرمەن جانە گەولوگيالىق كارتالاۋمەن اينالىسپاق. بۇدان بولەك ليتسەنزيالىق اۋماق بويىنشا اۋقىمدى اەروماگنيتتىك ءتۇسىرىلىم جۇرگىزۋ جوسپارلانۋدا. سودان كەيىن گەوفيزيكالىق زەرتتەۋلەردىڭ دەرەكتەرى كەيىنگى جىلدارعا قاجەتتى گەولوگيالىق بارلاۋ جۇمىستارىنىڭ كولەمىن انىقتاۋ ءۇشىن جان-جاقتى تالداناتىن بولادى.
ەسكە سالا كەتەيىك, «Discovery Ventures Kazakhstan» جشس – يۋنيورلىق كومپانيا. تارقاتا ايتساق, بۇل – دامۋدىڭ باستاپقى ساتىسىنداعى جوبالارعا باعدارلانعان شاعىن كومپانيا. وسى ورايدا «تاۋ-كەن سامۇرىق» ۇلتتىق تاۋ-كەن كومپانياسى» اق يۋنيورلىق كومپانيالاردى قولداۋ باعدارلاماسىن جۇزەگە اسىرۋدا. گەولوگيالىق بارلاۋعا باعدارلانعان مۇنداي كومپانيالارعا اكتسيونەرلىك قوعام ء«بىر تەرەزە» قاعيداتى بويىنشا جان-جاقتى جاردەم ۇسىنادى. ونداعى ماقسات – تاۋ-كەن سەكتورىن دامىتۋدى ىنتالاندىرۋ جانە مينەرالدىق-شيكىزات بازاسىن مولايتۋ مىندەتتەرى شەڭبەرىندە قارجىلىق, ساراپتامالىق, ماركەتينگتىك جانە مەملەكەتتىك قولداۋ.
