قارجى • 20 قاراشا، 2020

اگەنتتىك اتوي سالعالى تۇر

50 رەت كورسەتىلدى

ۇكىمەت پەن ۇلتتىق بانك ءاۋ باستان «اۋا جايىلىپ»، باقىلاۋسىز كەتكەن ميكروقارجى ۇيىمدارىنا قاتىستى تالاپتاردى كۇشەيتۋدە. اسىرەسە سوڭعى جىلدارى بۇل باعىتتاعى جۇمىستار جاندانا ءتۇستى. سونىڭ ءبىر دالەلى – كەلەر جىلدان باستاپ ميكروقارجى ۇيىمدارىنا قاتىستى بىرنەشە تالاپ زاڭدى كۇشىنە ەنبەك.

كوللاجدى جاساعان قونىسباي شەجىمباي، «ەQ»

باسىن اشىپ الاتىن ءبىر دۇنيە بار. ميكروقارجى ۇيىمدارى دەگەن سانات­قا ميكروقارجى ۇيىمدارىنان بولەك، لوم­بارد­­تار، نەسيە سەرىكتەستىكتەرى، ونلاين-نە­­سيە ۇلەستىرەتىن كومپانيالار جاتا­دى. مى­نە، وسىلاردىڭ ءبارى 2021 جىلدىڭ 1 قاڭ­­­­تارىنان باستاپ قىزمەت جۇرگىزۋ­گە قۇ­­قىق بەرەتىن ارنايى ليتسەنزيانى الۋعا مىن­­­­دەتتى. ليتسەنزيانى قارجى نارىعىن رەت­­­تەۋ جانە دامىتۋ اگەنتتىگى بەرەدى.

اتاپ وتەرلىگى، ميكروقارجى نارىعىن­دا جۇرگەن ويىنشىلاردىڭ بارلى­عىن­دا ليتسەنزيا جوق. ولاردىڭ ىشىندە رەت­تەۋشىدەن ليتسەنزيا الماي جۇمىس ىس­تەپ جاتقاندار جەتەرلىك. ەندى جاڭا تا­لاپ نارىقتاعى ويىنشىلاردىڭ بارىنە مىن­دەتتى بولماق. دەمەك، اگەنتتىك «كولەڭ­كەدە» جۇرگەن ۇيىمداردى كۇن استىنا شىعارادى. وسىلايشا نارىقتاعى احۋال­دى تولىقتاي ءوز باقىلاۋىنا الماق.

وسى ورايدا، ميركوقارجى ۇيىمدارى ليتسەنزيا الۋعا ءوتىنىش بەرگەن كەزدە كومپانيا تۋرالى تولىق اقپاراتتى ۇسىنۋعا ءتيىس. ونىڭ ىشىندە ۇيىمنىڭ يەسى تۋرالى اقپارات مىندەتتى تۇردە بولۋى كەرەك. ماسەلە ليتسەنزيا الۋمەن بىتپەيدى. قارجى نارىعىن رەتتەۋ جانە دامىتۋ اگەنتتىگى بەلگىلى ءبىر مەرزىمدە نارىقتاعى ويىنشىلاردى تەكسەرىپ وتىرادى. ونداعى ماقسات – ۇيىمنىڭ زاڭ تالاپتارىنا قانشالىقتى ساي ەكەنىن انىقتاۋ.

سونداي-اق جاڭاشىلدىققا سايكەس، ميركوقارجى ۇيىمى باسشىلىق اۋىس­قان جاعدايدا ورىن العان وزگەرىستەر تۋرالى رەتتەۋشىگە ەسكەرتۋى كەرەك. وسىلاي­شا ۇيىم تۋرالى اقپاراتتى ۋاق­تىلى جاڭارتۋعا ءتيىس. سونىمەن قاتار رەتتەۋشى نارىق­تاعى ويىنشىلاردى ولاردىڭ ءبىر-بىرىمەن قانشالىقتى بايلانىسى بارىن دا مۇقيات تەكسەرەتىن بولادى.

نەگىزى ميكروقارجى ۇيىمدارىنا قاتىستى جاڭاشىلدىقتاردىڭ نەگىزگى بولىگى وسى جىلدىڭ شىلدەسىندە زاڭنا­ماعا ەنگىزىلگەن بولاتىن. ەندى مىنە، قوسىمشا نورمالار ەنگىزىلىپ جاتىر. بۇل نورمالار نەگىزىنەن ۇيىمداردىڭ باسشىلارىنا، قۇرىلتايشىلارىنا جانە اكتسيونەرلەرىنە قاتىستى. بۇل رەتتە ميكروقارجى ۇيىمدارى باسشىلارىنىڭ ىسكەرلىك بەدەلى ءمىنسىز بولۋى كەرەك. زاڭنامادا ءدال وسىنداي تالاپ بار. بۇل دەگەنىمىز – وتەلمەگەن نەمەسە كۇشى جويىلماعان سوتتىلىقتىڭ بولماۋى، ونىڭ ىشىندە قارجى ۇيىمىنىڭ باسشىسى لاۋازىمىن اتقارۋ قۇقىعىنان ايىرۋ جانە قارجى ۇيىمىنىڭ ءىرى قاتىسۋشىسى بولماۋ تۇرىندەگى جازانىڭ، زاڭدى كۇشىنە ەنگەن سوت شەشىمىنىڭ جوقتىعى.

قىسقاسى، رەتتەۋ نورمالارىنا سايكەس، ميكروقارجى ۇيىمدارى نارىعىن ماڭىزدى وزگەرىستەر كۇتىپ تۇر. كاپيتال مەن وتىمدىلىككە قاتىستى نورمالار، سونداي-اق اۋديت پەن ەسەپتىلىكتى ۇسىنۋعا قويىلاتىن تالاپتار بەلگىلەندى. تۇپتەپ كەلگەندە ميركوقارجى ۇيىمدارى بانك سەكتورىنداعى ويىنشىلارمەن تەڭەس­تىرىلدى دەسە دە بولعانداي.

جوعارىدا جارعىلىق كاپيتال تۋرا­لى ايتىپ قالدىق. وزگەرىستەردىڭ ءبىر پاراسى بۇل باعىتتى دا اينالىپ وتپەدى. ماسەلەن، قازىر ميكروقارجى ۇيىمدارىنىڭ جار­عىلىق كاپيتالى 30 ملن تەڭگەگە تەڭ. 2021 جىلدان باستاپ ولار­دىڭ ەڭ تومەنگى جارعىلىق كاپيتالى 50 ملن تەڭگەدەن كەم بولماۋى كەرەك. ال 2023 جىلدان باستاپ بۇل كورسەتكىش 100 ملن تەڭگەگە دەيىن ۇلعاياتىن بولادى. سول سەكىلدى كەلەر جىلدان باستاپ لوم­باردتاردىڭ جارعىلىق كاپيتالى 30 ملن تەڭگەنى، نەسيە سەرىكتەستىكتەرىنىڭ جارعىلىق كاپيتالى 20 ملن تەڭگەنى قۇراۋى ءتيىس.

ميكروقارجى ۇيىمدارىنىڭ باسشىلارىنا، قۇرىلتايشىلارىنا جانە اكتسيونەرلەرىنە قويىلاتىن تالاپتاردى ەسكەرسەك، قازاقستان نارىعىنداعى ۇيىم باسشىلارىنىڭ 10 پايىزى جانە بۇدان دا جوعارى ۇلەسى ميكروقارجى ۇيىم­دارىنىڭ اتقارۋشىلىق ورگاندارىن باسقارا المايدى. ياعني ميكروقارجى ۇيىم­دارىنىڭ قوجايىن­دارى ءوز ۇيىم­دارىنىڭ ديرەكتورى نەمەسە باسقارما توراعاسى اتانۋ قۇقىعىنان ايىرىلادى. ويتكەنى ولار جاڭا تالاپتارعا سايكەس كەلمەيدى.

وسى ورايدا «كۋرسيۆ» باسىلىمى اكتيۆى جاعىنان قازاقستانداعى ەڭ ءىرى بەس ميكروقارجى ۇيىمىنىڭ قۇرىل­تاي­شىلارى تۋرالى دەرەكتەردى زەردە­لەپ كورگەن ەكەن. ولاردىڭ باسىم بولى­گىنىڭ شەتەلدىك اكتسيونەرلەرى بار بو­لىپ شىققان. ماسەلەن، KMF كومپانيا­سىنىڭ سايتىنداعى دەرەكتەرگە سۇيەنسەك، ونىڭ ءىرى اكتسيونەرى – KMF Demeu Fund كورپوراتيۆتىك قورى (45،44%). اتالعان قوردى امەريكالىق ACDI/VOCA كورپوراتسياسى قۇرعان.

eGov سايتىنىڭ دەرەكتەرىنە نازار اۋدارساق، «تويوتا فاينانشل سەرۆيسەز كازاحستان» ۇيىمىنىڭ قۇرىلتايشىسى – Toyota Financial Services (UK) PLس. بۇل كومپانيا ۇلىبريتانيادا تىركەلگەن. «ونلاينكازفينانس» ميكروقارجى ۇيىمىنىڭ قۇرىلتايشىسى ەكەۋ. ەكەۋى دە شەتەلدىك – رەسەيلىك «ونلاين ميكروفينانس» جانە كيپرلىك IDF Holding LTD كومپانيالارى.

تاعى سول eGov سايتىندا «ارنۇر كرەديت» ۇيىمىنىڭ بىرنەشە قۇرىلتاي­شىسى بارى كورسەتىلگەن. ولار كايمان ارالدارىندا، ليۋكسەمبۋرگتە، نيدەرلاند پەن چەحيادا تىركەلگەن. قازاقستانداعى ءىرى ميكروقارجى ۇيىمدارىنىڭ بەستىگىن «مك-فينانس» كومپانياسى تۇيىندەپ تۇر. كومپانيا سايتىنداعى دەرەككە سۇيەنسەك، ۇيىم «استانا موتورس» قازاق موتور كومپانياسى» جشس قۇرامىندا قۇرىلعان.

جوعارىدا اتالعان بەس ميكرو­قار­جى ۇيىمىنىڭ باسشىلارى – قازاق­­ستاندىقتار. بىراق ولار اتالعان كومپا­نيا­لاردىڭ تىكەلەي باسشىسى ەمەس. ميكرو­قارجى ۇيىمى نارىعىنداعى ويىن­شىلاردىڭ ىشىندە باسشىسى دا، قۇرىل­تايشىسى دا ءبىر عانا تۇلعادان تۇراتىن كومپانيالار وتە سيرەك كەزدەسەدى.

 

سوڭعى جاڭالىقتار

15169 ادام كوروناۆيرۋس جۇقتىردى

كوروناۆيرۋس • كەشە

ۇقساس جاڭالىقتار