ءدال وسىنداي ناقتى قامقورلىقتى سەزىنگەن شارۋاشىلىقتىڭ ءبىرى – نۇرا اۋدانىنداعى ەگىندى اۋىلىندا قۇرىلعان ء«ادىلجان» شارۋا قوجالىعى. بۇگىندە زۋرا زەينۋرقىزى باسقاراتىن بۇل شارۋاشىلىقتىڭ قوراسى مالعا تولى. ءتورت ت ۇلىكتىڭ ءبارى بار دەمەسەڭىز دە, جىلقى, سيىر جانە قوي جاعى جەتكىلىكتى, ءوسىپ-ءونىپ جاتقان جاعدايدا. زۋرا زەينۋرقىزىنىڭ ءوزى وسىدان ون سەگىز جىل بۇرىن شارۋا قوجالىعىن قۇرعاندا كوپ قيىنشىلىقتى كورگەنىن ايتادى. سونداي كەزدە بىرەۋى تۇقىم, بىرەۋى تەحنيكا بەرىپ, كومەك قولىن سوزعان جەرلەستەرىنە ءدان ريزا.
ء«بىز سياقتى اۋىل شارۋاشىلىعى كاسىپكەرلىگىمەن اينالىساتىن ادامدارعا دەگەن قولداۋى مەن قامقورلىعى ءۇشىن مەملەكەتىمىزگە, ەلباسى مەن پرەزيدەنتىمىزگە ريزاشىلىعىمدى بىلدىرگىم كەلەدى. اسىرەسە اۋىل شارۋاشىلىعىن قارجىلاي قولداۋ قورىنىڭ قاراعاندى فيليالىنا, ونىڭ باسشىسىنا ايتار العىسىم شەكسىز», دەيدى كاسىپكەر ايەل.
زۋرا زەينۋرقىزى اتالعان قوردان وسىمەن التىنشى رەت نەسيە الىپتى. سوڭعى رەت نەسيەنى 16 پايىزدىق ۇستەمەمەن العان ەكەن, ونىڭ 10 پايىزىن مەملەكەت تولەيتىن كورىنەدى. «مۇنىڭ ءوزى ءبىز سياقتى كاسىپكەرلەرگە كورسەتىلگەن ۇلكەن قولداۋ. جالعىز ءبىز عانا ەمەس, اينالامىزداعى بىرنەشە شارۋا قوجالىق تا جەڭىلدىكپەن نەسيە الىپ, جاعدايلارىن تۇزەپ جاتىر», دەيدى زۋرا زەينۋرقىزى.
شارۋاشىلىق مال ونىمدەرىن وتكىزۋدى دە جولعا دۇرىس قويا بىلگەن. ء«سۇت-قايماق, قۇرت-ماي, ىرىمشىك پەن ەتتى نۇر-سۇلتان, قاراعاندى قالالارىنداعى ساۋدا نۇكتەلەرىنە وتكىزەمىز. بۇل شارۋانى ۇلكەن ۇلىم قايرات ءوزى رەتتەيدى», دەيدى كاسىپكەر ايەل.
مال شارۋاشىلىعىنان بولەك, شارۋا قوجالىعى ءبىر مىڭ گەكتارداي جەرگە بيداي, ارپا, س ۇلى سەۋىپ, ەگىن ورادى. بۇل شارۋانىڭ بارىمەن زۋرا زەينۋرقىزىنىڭ ەكىنشى ۇلى جانايدار اينالىسادى. تەحنيكا جاعىنان كەمدىك كورگەن جەرلەرى جوق. بۇگىنگى كۇندە «قازاگروقارجى» كومپانياسى ارقىلى تراكتور, كومباين سياقتى اۋىل شارۋاشىلىعى تەحنيكاسىن تۇگەلدەي جاڭارتىپ العان.
ىسكەر ازاماتشا اۋىلدا ەكى بىردەي دۇكەن ۇستايدى. بىرەۋى ازىق-ت ۇلىك دۇكەنى بولسا, ەكىنشىسى شارۋاشىلىق تاۋارلارىنا ارنالعان. بۇل دۇكەندەردەگى تاۋارلاردىڭ دا باعاسى قولجەتىمدى ەكەن.
قازىرگى ۋاقىتتا ء«ادىلجان» شارۋا قوجالىعى جەرگىلىكتى ون ادامدى جۇمىسپەن قامتىپ وتىر. ولاردىڭ اي سايىنعى ەڭبەكاقىسى, مالىنىڭ قىسقى جەمشوبى, وتىنى دا شارۋاشىلىقتىڭ مويىنىندا. جالپى, زۋرا زەينۋرقىزى اۋىلداعى الەۋمەتتىك تۇرعىداعى ماسەلەلەردى شەشۋگە بەلسەندى تۇردە اتسالىسادى. مىسالى, قىستا جولدى قاردان ارشۋ, سۋ تاسىعاندا بوگەت سالۋ سياقتى ورتاق ىستەرگە ۇلەس قوسىپ وتىرادى.
سونىمەن قاتار اۋىلداعى جالعىزىلىكتى جاندارعا, كوپبالالى, الەۋمەتتىك جاعىنان از قامتىلعان وتباسىلارعا قولدان كەلگەن كومەكتەن ايانعان ەمەس. اياداي عانا اۋىلدىڭ تۇرعىندارى دا ء«ادىلجان» شارۋا قوجالىعىنىڭ قايىرىمدى ىستەرىنە ۇنەمى ريزاشىلىق تانىتىپ, جومارت جاندارعا ارقاشان تىلەكشى بولىپ جۇرەدى.
زۋرا زەينۋرقىزى مەن جانات قالىبەك ۇلى ەكەۋى بەس بالانى ءوسىرىپ, اقار-شاقار بولىپ وتىرعان وتباسى. ون شاقتى نەمەرەگە مەيىرىمدى اياماي توككەن اتا مەن اجە.
شارۋا قوجالىعىنىڭ بولاشاققا دەگەن جوسپارى, العا قويعان ماقساتى دا زور. «مال باسىن كوبەيتىپ, تەحنيكا سانىن ارتتىرىپ, شارۋاشىلىقتىڭ اياسىن كەڭىتسەك دەگەن ويىمىز بار. مۇنداي نيەتىمىزدى جەرگىلىكتى اكىمدىك تە قولداپ وتىر. ەڭ باستىسى, ەلىمىز امان, زامانىمىز تىنىش بولسىن. قازىر ەڭبەك ەتەمىن دەگەن ادامعا اينالايىن وكىمەتىمىز بارلىق جاعدايدى جاساعان عوي», دەيدى زەينەت جاسىندا ەكەنىنە قاراماستان, بەلسەندى ءومىر سۇرۋگە, ادامدارعا جاقسىلىق جاساۋعا دەگەن قۇلشىنىسى زور زۋرا زەينۋرقىزى.
قاراعاندى وبلىسى,
نۇرا اۋدانى
