اتاي كەتەيىك, 16 قاراشادا بىرلەسكەن بۇيرىققا قول قويىلعان بولاتىن. سونىڭ اياسىندا جۇمىس توبى 2020 جىلعى 17 قاراشادان 25 جەلتوقسانعا دەيىن اتالعان مينيسترلىكتىڭ ۇيىمداستىرۋشىلىق-باسقارۋشىلىق قىزمەتىندە سىبايلاس جەمقورلىق تاۋەكەلدەرىنە تالداۋ جۇرگىزىلەتىن بولادى. م.شورانوۆ اتاپ وتكەندەي, دەنساۋلىق ساقتاۋدى دامىتۋ – مەملەكەتتىڭ الەۋمەتتىك ساياساتىنىڭ نەگىزگى باسىمدىقتارىنىڭ ءبىرى. وتانداستارىمىزدىڭ ءال-اۋقاتىنىڭ تىرەگى رەتىندە مەديتسينالىق قىزمەتتەردىڭ قولجەتىمدىلىگى مەن ساپاسىنا مەملەكەت ەرەكشە كوڭىل بولەدى.
سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ءبىرىنشى ورىنباسارى و.بەكتەنوۆ دەنساۋلىق ساقتاۋ سالاسىندا سىبايلاس جەمقورلىق تاۋەكەلدەرىنىڭ كەڭ اۋقىمى ساقتالىپ وتىرعانىن اتاپ ءوتتى. «بۇعان قۇقىقتىق ستاتيستيكا مەن اگەنتتىكتىڭ «سق فارماتسيادا», الەۋمەتتىك مەديتسينالىق ساقتاندىرۋ قورىندا (2020 جىلى), دارىلىك زاتتار مەن مەديتسينالىق ماقساتتاعى بۇيىمداردى ساراپتاۋ ۇلتتىق ورتالىعىندا (2019 جىلى) جۇرگىزگەن سىرتقى تالداۋلارىنىڭ ناتيجەلەرى دالەل بولا الادى», دەيدى و.بەكتەنوۆ.
جاعدايعا تولىق كوز جەتكىزۋ ءۇشىن ورتالىق ورگاندا جانە كەلەسى جىلى ەكى كوميتەتتە (مەديتسينالىق جانە فارماتسەۆتيكالىق باقىلاۋ, سانيتارلىق-ەپيدەميولوگيالىق باقىلاۋ) تالداۋ جۇرگىزىلەدى. سىرتقى تالداۋ ناتيجەلەرى بويىنشا جەمقورلىق قۇقىق بۇزۋشىلىقتار جاساۋعا ىقپال ەتەتىن سەبەپتەر مەن جاعدايلاردى جويۋ جونىندەگى ۇسىنىمدار مەن ءىس-شارالار جوسپارى ازىرلەنەدى.
«مينيسترلىك اشىقتىق, ايقىندىلىق جانە وبەكتيۆتىلىك ارقىلى دەنساۋلىق ساقتاۋ جۇيەسىندەگى ىقتيمال سىبايلاس جەمقورلىق تاۋەكەلدەرىن ازايتۋعا جانە جويۋعا مۇددەلى. سونىمەن قاتار ءبىز جاڭا بىرلەسكەن جوبالاردى جۇزەگە اسىرۋعا دايىنبىز», دەپ سەندىردى ءبىرىنشى ۆيتسە-مينيستر.
جۇرتشىلىقتى تالداۋ جۇرگىزۋگە كەڭىنەن تارتۋ وڭ قىرىنان اتاپ ءوتىلدى. تەكسەرىلەتىن سالا بويىنشا ماسەلەلەر مەن ۇسىنىستار, سونداي-اق سىبايلاس جەمقورلىققا اسەر ەتەتىن سەبەپتەر مەن جاعدايلار تۋرالى مالىمەتتەردى a.karipova@anticorruption.gov.kz ەلەكتروندىق مەكەن-جايىنا جىبەرۋگە بولادى. بۇل اقپارات سىبايلاس جەمقورلىق تاۋەكەلدەرىن جويۋ بويىنشا ۇسىنىمدار ازىرلەۋ ءۇشىن پايدالانىلادى. ال سىبايلاس جەمقورلىق جاعدايلارى تۋرالى قانداي دا ءبىر اقپارات بولاتىن بولسا 24/7 رەجىمىندە جۇمىس ىستەيتىن 1424 call-ورتالىعىنا حابارلاسۋ قاجەت.
