ەڭبەكتە ادامزاتتىڭ رۋحاني قۇبىلىسىنىڭ فيلوسوفيالىق, تەوريالىق جانە ونى زەرتتەۋدىڭ ادىسنامالىق ماسەلەلەرى جۇيەلى تۇردە كورسەتىلگەن. ونىڭ اسا قۇندى نەگىزى – "رۋح", "رۋحانيات", "رۋحانياتتىلىق" قۇبىلىستارىنىڭ الەم فيلوسوفياسىنىڭ مازمۇنى تۇرعىسىنان تالدانىپ, اشىلعان. ادامزات تاريحىنداعى وسى ماسەلەگە قاتىستى ويلار مەن دانالىق پايىمدار تۇڭعىش رەت قازاق تىلىندە جۇيەلى تۇردە كەلتىرىلگەن.
سونىمەن قاتار وقۋلىقتا قازاق حالقىنىڭ تاريحىنداعى رۋح ماسەلەسىنىڭ باستاۋلارى, دامۋ كەزەڭدەرى, قازىرگى ماسەلەلەرى قاراستىرىلعان.
كىتاپ "تەوريالىق جانە ادىسنامالىق ىزدەنىستەر", "ەجەلگى دۇنيەتانىمدارداعى رۋحانياتتىلىق باستاۋلارى", "باتىس ەۋروپا ەلدەرى فيلوسوفياسىنداعى رۋحانياتتىلىق ماسەلەسىنىڭ دامۋى" جانە "پروتوقازاق-قازاق رۋحانياتتىلىعى" اتتى بولىمدەر مەن 11 تاراۋدان تۇرادى.
ساراپشىلاردىڭ ايتۋىنشا, وقۋلىق وتە كۇردەلى جانە كوكەيتەستى ماسەلەلەردى اسا اكتۋالدى تەوريالار تۇرعىسىنان كورسەتكەن. بۇل جۇمىستىڭ زاماناۋي الەۋەتىن جوعارى كوتەرۋگە ىقپال ەتەدى.
كونتسەپتۋالدى وقۋلىق ورتا ارنايى جانە جوعارى وقۋ ورىندارىنىڭ ستۋدەنتتەرىنە, ماگيسترانتتارىنا, دوكتورانتتارىنا جانە وسى تاقىرىپقا قىزىعۋشىلىق تانىتاتىن بارلىق وقىرمان قاۋىمعا ارنالعان.
