الايدا جەرگىلىكتى اتقارۋشى ورگانداردىڭ قولداۋىنسىز بۇل ءىستى سوڭىنا دەيىن جەتكىزۋ مۇمكىن ەمەس.
جامبىل وبلىسىنىڭ اكىمى بەردىبەك ساپارباەۆ تسەحتا بولىپ, تەحنولوگيالىق جەلىمەن تانىستى. باس ديرەكتور پاتوحبەردي تاليپوۆ تسەح ىسكە قوسۋعا دايىن, ينفراقۇرىلىمدى جۇرگىزۋ ماسەلەلەرىن شەشۋ قاجەت ەكەنىن ايتتى. ءوڭىر باسشىسى وعان جان-جاقتى قولداۋ كورسەتىلەتىنىنە سەندىردى. ول كاسىپكەرلىك جانە يندۋستريالدى-يننوۆاتسيالىق دامىتۋ باسقارماسىنا ءتيىستى تاپسىرما جۇكتەدى.
- "بيزنەستىڭ جول كارتاسى-2025" باعدارلاماسى شەڭبەرىندە وبلىسىمىزعا اۋقىمدى قارجى بولىنۋدە. ماسەلە جوبالاردىڭ ازدىعىندا بولىپ وتىر. بيزنەس-يدەيالاردى قولداۋ ءۇشىن بارلىق مۇمكىندىكتەر بار. تەك ماسەلەلەردى دەر كەزىندە كوتەرە ءبىلۋ كەرەك, - دەدى وبلىس اكىمى.
جوبا قۇنى 800 ميلليون تەڭگەنى قۇرايدى. قۋاتتىلىعى تاۋلىگىنە 8 تونناعا شاقتالعان. مۇندا بالمۇزداقتىڭ 30 ءتۇرىن شىعارۋ جوسپارلانۋدا. سەرىكتەستىكتىڭ باسقارۋشى ديرەكتورى راحات ءاشىموۆتىڭ ايتۋىنشا, كاسىپورىندا جۇزدەن استام جاڭا جۇمىس ورنى اشىلادى دەپ كۇتىلۋدە.
- جازدا ۇزدىكسىز ءونىم وندىرۋگە مۇمكىندىك بار, - دەيدى ول.
ولار ءسۇتتى جاقىن ماڭداعى شارۋالاردان الۋعا نيەتتى. ايتا كەتەيىك, قازىر «يمپەريا» جك شۇجىقتار مەن كونديتەرلىك ونىمدەردى ساقتاۋمەن جانە تاسىمالداۋمەن اينالىسادى.
- سونداي-اق, ءبىز جەرگىلىكتى دۇكەندەرگە رەسەي مەن قىرعىزستاننان بالمۇزداق جەتكىزۋدەمىز. كوپ ۇزاماي ءبىز جامبىلدىق بالمۇزداقتاردى ساتا باستايتىن بولامىز, - دەيدى راحات ءاشىموۆ.
