دونورلار فورۋمى - بۇل قازاقستاننىڭ ءىرى مەتسەناتتارىن, كورپوراتيۆتىك الەۋمەتتىك جاۋاپكەرشىلىك كوشباسشىلارىن, سونداي-اق ءوز قىزمەتىن قازاقستان رەسپۋبليكاسىنىڭ اۋماعىندا جۇزەگە اسىراتىن حالىقارالىق دونورلىق ۇيىمدار وكىلدەرىن بىرىكتىرەتىن ساراپشىلاردىڭ ديالوگ الاڭى.
دونورلار فورۋمىنىڭ ميسسياسى - ەلدە دونورلىق جانە قايىرىمدىلىق قىزمەتتى جۇزەگە اسىرۋ ءۇشىن قولايلى ورتا قۇرۋعا جاردەمدەسۋ, ازاماتتىق قوعامنىڭ الەۋەتىن دامىتۋ.
فورۋم شەڭبەرىندە دونورلىق قىزمەتتىڭ قازاقستاندىق تاجىريبەسىن, وتاندىق جانە حالىقارالىق كومپانيالاردىڭ الەۋمەتتىك ساياساتىنىڭ ۇزدىك تاجىريبەلەرىن تالقىلاۋ بويىنشا سەسسيالار, سونداي-اق فيلانتروپيا مەن حالىقارالىق ىنتىماقتاستىقتىڭ وزەكتى ماسەلەلەرىن تالقىلاۋ وتكىزىلەدى. سونىمەن قاتار, دونورلار فورۋمى بارىسىندا گرانت بەرۋشى ۇيىمداردىڭ اقپاراتتىق سەسسياسىن وتكىزۋ جانە ۇەۇ-داردىڭ گرانتتىق كونكۋرستار مەن راسىمدەرگە قاتىسۋىنا قاتىستى كونسۋلتاتسيالار بەرۋ جوسپارلانۋدا.
دونورلار فورۋمىنىڭ ۇيىمداستىرۋشىسى قر اقپارات جانە قوعامدىق دامۋ مينيسترلىگىنىڭ قولداۋىمەن ازاماتتىق باستامالاردى قولداۋ ورتالىعى بولىپ تابىلادى.
فورۋم قورىتىندىسى بويىنشا قازاقستاننىڭ IX ازاماتتىق فورۋمىنىڭ قارار جوباسىنا ۇسىنىستار مەن ۇسىنىمدار ازىرلەنەتىن بولادى.
