اڭگىمەلەسۋ بارىسىندا ا.كامالدينوۆ ەكى ەلدىڭ اراسىنداعى قارىم-قاتىناستاردىڭ جوعارى دەڭگەيىن اتاپ ءوتتى, اسىرەسە كانادا گەنەرال-گۋبەرناتورى دجۋلي پايەتتىڭ 2018 جىلعى جەلتوقساندا قازاقستانعا جاساعان العاشقى تاريحي ساپارىن جانە قازاقستان پرەزيدەنتى قاسىم-جومارت توقاەۆتىڭ كانادا پرەمەر-ءمينيسترى دجاستين تريۋدومەن 2020 جىلعى اقپانداعى كەزدەسۋىنە ەرەكشە توقتادى.
ديپلومات كانادا پارلامەنتىنىڭ سپيكەرىن قازاقستانداعى ساياسي وزگەرىستەر مەن مەملەكەت باسشىسىنىڭ ەلدە جۇرگىزىپ وتىرعان دەموكراتيالىق رەفورمالار تۋرالى حاباردار ەتتى, سونداي-اق 2021 جىلعى 10 قاڭتارعا بەلگىلەنگەن قازاقستان پارلامەنتى ءماجىلىسىنىڭ كەزەكتى سايلاۋىنا دايىندىق تۋرالى حاباردار ەتتى. ا.كامالدينوۆ 2019 جانە 2020 جىلدارى قازاقستاندا بىرقاتار زاڭدارعا ەنگىزىلگەن تۇزەتۋلەر ازاماتتىق قوعامدى دامىتۋ, كوپپارتيالى جۇيەنى قۇرۋ, ساياسي باسەكەلەستىكتى جانە قازاقستانداعى پىكىرلەردىڭ ءپليۋراليزمىن دامىتۋ جولىنداعى ەلەۋلى ىلگەرىلەۋ بولىپ تابىلاتىنىنا نازار اۋداردى. ول جاڭا زاڭنامالىق تۇزەتۋلەردىڭ ارقاسىندا تۇڭعىش رەت پارلامەنتتىك وپپوزيتسيا ينستيتۋتى قۇرىلعانىن, ال الداعى ءماسليحاتتار مەن ماجىلىسكە سايلاۋ العاش رەت پارتيالىق تىزىمدەر بويىنشا وتكىزىلەتىنىن اتاپ ءوتتى.
وسىعان بايلانىستى, ەلشى پارلامەنتتىك ديپلوماتيانىڭ سەنىمدى ديالوگ پەن ىنتىماقتاستىقتى نىعايتۋداعى ەرەكشە ءرولىن اتاپ ءوتتى, سونداي-اق ەكى ەلدىڭ زاڭ شىعارۋشى ورگاندارىنداعى ىنتىماقتاستىق توپتارى دەڭگەيىندە پارلامەنتارالىق بايلانىستاردى ودان ءارى دامىتۋعا ىقپال ەتۋگە دايىن ەكەنىن ايتتى.
ە.روتا ءوز تاراپىنان قازاقستانمەن ەكىجاقتى پارلامەنتارالىق ديالوگتى نىعايتۋعا قىزىعۋشىلىق ءبىلدىردى. ونىڭ پىكىرىنشە, وسىنداي بايلانىستاردىڭ دامۋى ەكى جاققا دا ءتيىمدى بولماق. «ەكى ەلدىڭ دە ۇقساستىقتارى كوپ جانە قازاقستان ايماق ءۇشىن, ونىڭ ىشىندە دەموكراتيالىق رەفورمالار سالاسىندا دا, ۇلگى بولىپ تابىلادى. وسىعان بايلانىستى الداعى پارلامەنتتىك سايلاۋ ەرەكشە نازار اۋدارۋعا تۇرارلىق. ءبىز قازاقستاننىڭ تابىستارىنا قۋانىشتىمىز جانە پرەزيدەنت ق.توقاەۆ جۇرگىزگەن رەفورمالاردىڭ جالعاساتىنىنا سەنىمدىمىز», - دەدى ە.روتا.
سونداي-اق, كانادالىق دەپۋتات قازاقستانمەن ساۋدا-ەكونوميكالىق ىنتىماقتاستىقتىڭ جاي-كۇيىنە قىزىعۋشىلىق تانىتىپ, ەكى ەل اراسىنداعى ارىپتەستىكتى ودان ءارى نىعايتۋ ءۇشىن وسى فاكتوردىڭ ەرەكشە ماڭىزدىلىعىن اتاپ ءوتتى.
جالپى ايتقاندا, بۇل كەزدەسۋ پارلامەنتارالىق ديالوگتى دامىتۋعا جانە ەكىجاقتى قاتىناستاردىڭ بارلىق سالالارىندا ىنتىماقتاستىقتى نىعايتۋعا كانادالىق تاراپتىڭ قىزىعۋشىلىعى بار ەكەنىن كورسەتتى.
