قابىلداۋ بارىسىندا باتىس قازاقستان وبلىسىنىڭ تۇرعىنى الەكسەي سۆەچنيكوۆ جايىق وزەنىنىڭ تارتىلۋى تۋرالى سۇراق قويعان ەدى.
“وكىنىشكە قاراي, باتىس قازاقستان وبلىسىندا ەكولوگيالىق جانە سۋ رەسۋرستارى پروبلەمالارى قازىر وتە وزەكتى. ونىمەن ءبىز تۇراقتى تۇردە اينالىسىپ كەلەمىز. جايىق وزەنىنىڭ پروبلەماسى بويىنشا كەشە رەسەەيدىڭ تابيعي رەسۋرستار ءمينيسترى الەكساندر كوزلوۆپەن سويلەستىم. ەكەۋمىز وسى ماسەلەنى تالقىلاۋ ءۇشىن كەزدەسۋگە كەلىستىك”, - دەپ جاۋاپ بەردى ماعزۇم مىرزاعاليەۆ.
مينيستر ءوڭىر تۇرعىنىنا بەلسەندى ازاماتتىق پوزيتسياسى ءۇشىن العىس ءبىلدىرىپ, مەملەكەت قورشاعان ورتانى قورعاۋ بويىنشا ماسەلەلەردى جەدەل شەشىپ وتىرۋ ءۇشىن وبلىستاعى ەكولوگيا دەپارتامەنتىمەن تىعىز بايلانىستا بولۋعا شاقىردى.
سونىمەن بىرگە كەزدەسۋ كەزىندە قاراعاندى قالاسىنىڭ تۇرعىنى ۆاديم اشەۋلەۆ قاتتى تۇرمىستىق قالدىقتاردى سۇرىپتاۋ بويىنشا اتقارىپ جاتقان اعارتۋ جۇمىستارى تۋرالى بايانداپ, ەكولوگيالىق مادەنيەتكە ۇلەس قوسۋعا دايىن ەكەنىن جەتكىزدى.
بالىق شارۋاشىلىعىنداعى, ورمان شارۋاشىلىعى مەن جانۋارلار الەمى كوميتەتىنىڭ جۇمىسىنا قاتىستى پروبلەمالار بويىنشا دا بىرقاتار ساۋالدار قويىلدى.
بارلىق ۇسىنىس-شاعىمدار ءمينيستردىڭ جەكە باقىلاۋىندا بولادى.
