ۆيدەودا بىرنەشە ايەل What’sApp-تا حات الماسقان ەكران كورسەتىلگەن. ولار مەكتەپكە بارعان سوڭ بالالارعا قاتتى جوتەل پايدا بولعانىن جازعان. بەينەروليك اۆتورىنىڭ ايتۋىنشا, بۇعان جوعارعى تىنىس الۋ جولدارىنىڭ حيميالىق كۇيىك شالۋى سەبەپ بولعان.
بىرىنشىدەن, قازاقستاندا مەكتەپتەردى, اۋرۋحانالاردى, ادامدار كوپ جينالاتىن ورىنداردى جانە وزگە دە ورىنداردى دەزينفەكتسيالاۋ ءۇشىن ۋىتتى جانە دەنساۋلىققا قاۋىپتى زاتتار پايدالانىلمايدى. بۇل تۋرالى تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتى بىرنەشە رەت مالىمدەدى.
ەلىمىزدە قولدانىلاتىن بارلىق قۇرالدار سەرتيفيكاتتالعان, تىزىلىمگە ەنگىزىلگەن جانە سانيتارلىق وڭدەۋگە ارنالعان ەرىتىندىلەردى دايىنداۋ پروپورتسيالارى كورسەتىلگەن ناقتى نۇسقاۋلارى بار.
ەكىنشىدەن, تىنىس الۋ جولدارىنىڭ كۇيىپ قالۋ بەلگىلەرى قۇرعاق جوتەلگە قاراعاندا الدەقايدا اۋىر. جوعارعى تىنىس الۋ جولدارىنىڭ حيميالىق كۇيىگى, ادەتتە, وبسترۋكتسياعا اكەلەتىن تەز ىسىنۋمەن قاتار جۇرەدى. بۇل رەتتە زارداپ شەككەندەر جەدەل كەڭىردەك ينتۋباتسياسىنا مۇقتاج بولادى. سونداي-اق ەرىننىڭ كۇلبىرەۋى, مۇرىن مەن بەتتەگى تۇكتىڭ كۇيۋى دە تىنىس الۋ جولدارىن حيميالىق كۇيىك شالۋدىڭ بەلگىلەرى بولۋى مۇمكىن. تومەنگى تىنىس الۋ جولدارىن كۇيىك شالسا, بىردەن تىنىس الۋ جەتكىلىكسىزدىگى, جوتەل جانە قانمەن تۇكىرۋ سياقتى بەلگىلەر پايدا بولادى بولادى. سونىمەن قاتار, ءيىس ءتيىپ نەمەسە باسقا گازدان ۋلانۋدىڭ العاشقى بەلگىلەرى بايقالادى.
ۇشىنشىدەن, ۆيدەودا ايەلدەردىڭ ءبىرى ۇلىندا "حيميالىق كۇيىك" بەلگىلەرىن جەڭىلدەتكەن "زوداك" پرەپاراتىن اتاپ وتەدى. شىن مانىندە, بۇل پرەپارات حيميالىق نەمەسە تەرميالىق كۇيىكتەرى بار ناۋقاستاردىڭ اۋىرسىنۋىن جەڭىلدەتە المايدى. ول انتيگيستاميندەر توبىنا جاتادى جانە اللەرگيالىق رينيت, كونيۋنكتيۆيت جانە يديوپاتيالىق ەسەكجەم بەلگىلەرىن توقتاتۋ ءۇشىن قولدانىلادى.
