وبلىستاعى ەرتىس اۋدانىندا وسىلاي ەكەن. جاقىندا سول جاقتا ءىسساپاردا بولدىق. ءبىزدى اۋدان اكىمىنىڭ ورىنباسارى ديدار قاليجانوۆا قارسى الدى. جاس قىزدىڭ قىزمەت ۇستەلىنىڭ ءۇستى تاپ-تازا, جۇمىس جاساپ قىزىلتاناۋ بولىپ وتىرعان ادامعا ۇقسامايدى. قازاقشا ايتەۋىر ءۇش-ءتورت اۋىز ايتاتىنى بار ەكەن. الدىنان ءبىر ءتۇيىر قاعاز, گازەت-جۋرنال كورگەنىمىز جوق. سىڭلىمىزگە:
– باسپاسوزگە جازىلۋ بارىسى قالاي ءجۇرىپ جاتىر؟ – دەپ ەدىك:
وبلىستاعى ەرتىس اۋدانىندا وسىلاي ەكەن. جاقىندا سول جاقتا ءىسساپاردا بولدىق. ءبىزدى اۋدان اكىمىنىڭ ورىنباسارى ديدار قاليجانوۆا قارسى الدى. جاس قىزدىڭ قىزمەت ۇستەلىنىڭ ءۇستى تاپ-تازا, جۇمىس جاساپ قىزىلتاناۋ بولىپ وتىرعان ادامعا ۇقسامايدى. قازاقشا ايتەۋىر ءۇش-ءتورت اۋىز ايتاتىنى بار ەكەن. الدىنان ءبىر ءتۇيىر قاعاز, گازەت-جۋرنال كورگەنىمىز جوق. سىڭلىمىزگە:
– باسپاسوزگە جازىلۋ بارىسى قالاي ءجۇرىپ جاتىر؟ – دەپ ەدىك:
– مەن اۋدان اكىمى ورىنباسارىنىڭ مىندەتىن اتقارۋشىمىن. قازىر ىشكى ساياسات ءبولىمىنىڭ باسشىسىن شاقىرايىن, سول ايتادى, – دەدى.
سويتسەك, بۇل ءبولىمنىڭ باسشىسى اسپەت جانسۇلتانوۆا دا باسشىنىڭ مىندەتىن اتقارىپ ءجۇر ەكەن. ءارى قاراي سۇراستىرساق, اۋداندىق ءبىلىم ءبولىمىنىڭ باسشىسى مايا باگيەنوۆا, مادەنيەت, تىلدەردى دامىتۋ, دەنەشىنىقتىرۋ جانە سپورت ءبولىمىنىڭ باسشىسى جانار دۇيسەمبينا, اۋداندىق مادەنيەت ءۇيىنىڭ ديرەكتورى ەلميرا ايمۇحانوۆا, تۇرعىن ءۇي-كوممۋنالدىق شارۋاشىلىعى, جولاۋشىلار كولىگى جانە اۆتوموبيل جولدارى ءبولىمىنىڭ باسشىسى – تولەش بەكپاۋوۆ, ىشكى ىستەر ءبولىمىنىڭ باسشىسى سەرىك ۇسەنوۆ تۇگەلىمەن باسشىنىڭ مىندەتىن اتقارىپ جۇرگەندەر ەكەن. اۋداندىق ءماسليحات اپپاراتىنىڭ جەتەكشىسى دە جوق كورىنەدى.
اۋدانعا بيىلعى جىلى تامىز ايىندا نىعمان پىشەنباەۆ اكىم بولىپ كەلدى. وبلىس اكىمى ەرلان ارىن ايتقانداي, «ءۇش مارتە اكىم» اتاعىنا يە. ايتسا ايتقانداي-اق, تاجىريبەسى بار, اقتوعاي, ماي اۋداندارىن باسقارعان. وسى ارادا بىزگە مىناداي ءبىر وي كەلدى: «اۋدان اكىمى ءتۇرلى سالا باسشىلارىن قاشانعى سىنايدى. ءارى-ءسارى كۇي كەشتىرمەي, ناقتى ءبىر شەشىم نەگە قابىلدامايدى؟», دەگەن. ارينە, جۇرتشىلىق اكىمدىكتەگى ءار ورىنعا لايىقتى, اۋدانعا سىيلى, جۇرت بىلەتىن, جان-جاقتى ءبىلىمدى, ومىردەن تۇيگەنى بار, ءىستىڭ جايىن بىلەتىن, مىندەتىنە ادال, انا ءتىلىن ارى كورەتىن, پاتريوت مەملەكەتتىك قىزمەتكەرلەردىڭ كەلگەنىن قالايدى. دەسەك تە, تامىز ايىنان بەرى مىندەتىن اتقارىپ قانا وتىرعان قىزمەتكەردەن قانداي ناتيجە كۇتۋگە بولادى؟
فاريدا بىقاي,
«ەگەمەن قازاقستان».
پاۆلودار وبلىسى,
ەرتىس اۋدانى.
