وتكەن تاۋلىكتە 36 مىڭ تەكشە مەتر قار شىعارىلدى. 17 قاراشادا ەلوردانى تازالاۋعا مىڭنان استام ارنايى تەحنيكا جانە ەكى مىڭعا جۋىق جۇمىسشى جۇمىلدىرىلدى.
نۇر-سۇلتان قالاسىندا قار تازالاۋ جۇمىستارى كەشكى جانە تۇنگى ۋاقىتتا, ەكى اۋىسىمدى رەجيمدە جۇرگىزىلەدى. سونداي-اق قار تازالاۋ باعىتتارى دا انىقتالادى.
ءبىرىنشى كەزەكتە, ەرەجە بويىنشا, كەپتەلىس بولماۋى ءۇشىن, قوزعالىس وتە كوپ جەرلەر تازارتىلادى. ودان ءارى ورتاشا قوزعالىس ۋچاسكەلەرى – الاڭدار, ۆوكزال ماڭىنداعى اۋماقتار قاردان تازارتىلادى.
قالا جولدارىنىڭ جاياۋ جۇرەتىن بولىگى تايعاققا قارسى ماتەريالدارمەن وڭدەلەدى, ول قار جاۋا باستاعاننان سەبىلەدى. ءبىرىنشى كەزەكتە, كولىك قوزعالىسى ءۇشىن ەڭ قاۋىپتى ماگيسترالدار مەن كوشەلەردىڭ ۋچاسكەلەرى - ءور جانە ەڭىس جولدار, كوپىرلەر, توننەلدەر, كوشە قيىلىستارىنداعى جانە قوعامدىق كولىك ايالدامالارىنداعى تەجەۋ الاڭدارى وڭدەلەدى. ەگەر ءبىرىنشى تسيكل اياقتالعاننان كەيىن قار جاۋا بەرسە, قاجەتتى جۇمىستار قايتالانا بەرەدى.
بۇعان دەيىن حابارلانعانداي, قار قالانىڭ بارلىق اۋداندارىندا ورنالاسقان 11 پوليگونعا شىعارىلدى. قالادا قار جيناۋ 24/7 رەجيمىندە جۇرگىزىلەدى. پوليگونداردا باقىلاۋعا ارنالعان فوتو-جانە بەينەكامەرالار ورناتىلعان.
