يسپانيادا سوڭعى تاۋلىك ىشىندە 21 مىڭنان استام كوروناۆيرۋس جۇقتىرعان ادام انىقتالدى. سىرقاتتانۋ كورسەتكىشى ارتىپ, ەل ۇكىمەتى بەلگىلەگەن شەكتەۋدەن اسىپ كەتكەن. ۇلىبريتانيا اۋرۋحانالارىندا 15 مىڭعا جۋىق ادام ەمدەلىپ جاتىر. بۇل ەلدە كوروناۆيرۋستىڭ كوبەيۋى باسەڭدەگەن. ەل بيلىگى ۆيرۋستىڭ تارالۋ جىلدامدىعى تومەندەي باستاعانىنا قاراماستان, شەكتەۋلەردىڭ جەڭىلدەتىلۋى بۇل ۇردىسكە تەرىس اسەر ەتۋى مۇمكىن دەپ ەسەپتەيدى.
فرانتسيادا اۋىر ناۋقاستار سانى 5 مىڭعا جۋىقتادى. جالپى, ەلدە اۋىر ناۋقاستارعا ارنالعان 7700 توسەك بار. ولاردىڭ ۇشتەن ەكىسى تولعان. بيلىك وكىلدەرى قاجەتتىلىك تۋىنداسا, ەلدەگى قارقىندى تەراپياداعى ورىنداردىڭ سانىن 10400-گە دەيىن كوبەيتۋگە مۇمكىندىك بار دەپ وتىر. ەل ۇكىمەتى كارانتيندىك شارالاردىڭ جەڭىلدەتىلمەيتىندىگىن جەتكىزدى.
اۋستريادا قايتادان جاپپاي كارانتين ەنگىزىلدى. سەيسەنبىدەن باستاپ دالاعا تەك ناقتى سەبەپتەرمەن شىعۋعا رۇقسات. مەكتەپتەر قاشىقتان وقىتۋعا كوشەدى, قىزمەت كورسەتۋ كاسىپورىندارى مەن دۇكەندەردىڭ كوپشىلىگى جابىلادى.
