بۇل ساۋدا فورۋمى ورتالىق ازيادا جانە ودان تىس جەرلەردە وڭىرلىك ساۋدانى دامىتۋ ماقساتىنداعى حالىقارالىق ءىس-شارا.
بەس كۇندىك فورۋمدا اۋعانستان, ۇلىبريتانيا, گەرمانيا, گرۋزيا, قازاقستان, قىرعىز رەسپۋبليكاسى, لاتۆيا, ليتۆا, بىرىككەن اراب امىرلىگى, رەسەي, اقش, تاجىكستان, تۇركيا, تۇرىكمەنستان, ۋكراينا جانە وزبەكستان ەلدەرىن قوسقاندا جالپى 39 ەلدەن 100 سپيكەر مەن 4000 قاتىسۋشى بولادى.
بيىلعى فورۋمنىڭ تاقىرىبى «ورتالىق ازيا – دامۋ جانە وركەندەۋ». بۇل تاقىرىپ COVID-19-دان كەيىن ەكونوميكانىڭ قالپىنا كەلتىرۋ كەزىندەگى ورتالىق ازياداعى جاڭا ۇردىستەر مەن نارىقتىڭ رەاكتسياسىن زەرتتەۋگە ارنالعان. ۆيرتۋالدى ءىس-شارانى Zoom, Facebook Live جانە YouTube ونلاين پلاتفورمالارىندا باقىلاۋعا بولادى. ساۋدا فورۋمى حالىقارالىق جانە ايماقتىق ساراپشىلارعا, نوۆاتورلار مەن كاسىپكەرلەرگە ورتالىق ازياداعى ساۋدانى دامىتۋ ءۇشىن بايلانىستارىن نىعايتۋعا مۇمكىندىك بەرەدى.
قاتىسۋشىلار ينتەراكتيۆتى ونلاين-سەسسيالارعا قوسىلىپ, ايماقتىق جەتكىزىلىمدەر تىزبەگىن COVID-19 كەزىندەگى جاعدايعا بەيىمدەۋ, ورتالىق ازياداعى ءتۋريزمدى قالپىنا كەلتىرۋ, ايماقتاعى ەلەكتر ەنەرگياسىنىڭ نارىعىن دامىتۋ, ايماقتىق ونلاين-ساۋدا نارىعىنىڭ ماسەلەلەرى مەن مۇمكىندىكتەرى, مەملەكەتتىك-جەكەمەنشىك سەرىكتەستىكتەر مەن ايماقتىق ايەلدەر كاسىپكەرلىكتەرىن قۇرۋ جانە ت.ب. بويىنشا پىكىرتالاستارعا قاتىسا الادى.
سونىمەن قاتار, فورۋم بارىسىندا قازاقستان, قىرعىز رەسپۋبليكاسى, تاجىكستان, تۇرىكمەنستان جانە وزبەكستاننان كەلگەن 20-دان استام جەمىس-كوكونىس ونىمدەرىن وندىرۋشىلەر ساۋدا الەمى (World of Trade) ۆيرتۋالدى ريتەيل فورۋمىنىڭ شەڭبەرىندە بۇكىل ايماقتان جانە ودان تىس وڭىرلەردەن كەلگەن سەرىكتەستەرمەن ونلاين-كەلىسسوزدەر وتكىزەدى.
«وسىدان ون جىل بۇرىن ساۋدا ىنتىماقتاستىعىن كەڭەيتۋ ارقىلى ورتالىق ازيا ەلدەرى اراسىنداعى تۇراقتىلىقتى, وركەندەۋدى جانە ءوزارا بايلانىستى نىعايتۋعا بولادى دەگەن سەنىمدىلىكتەن وسى ساۋدا فورۋمىنىڭ يدەياسى تۋىنداعان ەدى. ساۋدا-ساتتىق ارقاشان ەكى تاراپقا دا پايداسىن تيگىزەدى. ءبىزدىڭ بىرلەسكەن كۇش-جىگەرىمىزدىڭ ارقاسىندا ءار ادام ادال جانە اشىق ساۋدا ىنتىماقتاستىعىنان پايدا كورە الادى», – دەدى اقش-تىڭ قازاقستانداعى ەلشىسى ۋيليام ح. موزەر.
ۆاشينگتوننان فورۋمعا USAID-تىڭ ازيا بويىنشا بيۋروسىنىڭ باسشىسى كومەكشىسىنىڭ مىندەتىن اتقارۋشى حاۆەر پيەدرا قوسىلدى. ول ءوز سوزىندە: «USAID وسىنداي ماڭىزدى ءىس-شارانى قولدايتىنىن ماقتان تۇتادى جانە ءبىز جاڭا كوممەرتسيالىق بايلانىستاردى دامىتۋ جانە ورتالىق ازيا ەلدەرى مەن اقش اراسىنداعى ەكونوميكالىق ىنتىماقتاستىقتى نىعايتۋ ارقىلى ايماقتاعى, ونىڭ ىشىندە اۋعانستانداعى ساۋدانى ارتتىرۋعا دايىنبىز», – دەپ اتاپ ءوتتى.
سوڭعى ونجىلدىقتا ورتالىق ازيا ساۋدا فورۋمى جاڭا ۇردىستەر تۋرالى ءبىلۋ, يدەيالارمەن الماسۋ, بايلانىستاردى دامىتۋ جانە بيزنەس جۇرگىزۋ ماقساتىندا 30-دان استام ەلدەن كەلگەن مەملەكەتتىك جانە جەكەمەنشىك سەكتورلارىنىڭ 5000-نان استام وكىلدەرىن بىرىكتىردى. سوڭعى ونجىلدىقتا ورتالىق ازيا ەلدەرى اراسىنداعى تاۋار اينالىمى ەكى ەسەدەن استام ۇلعايىپ, جىلىنا شامامەن 6 ميلليارد اقش دوللارىن قۇرادى.
فورۋمنىڭ باستى ۇيىمداستىرۋشىسى امەريكا قۇراما شتاتتارى حالىقارالىق دامۋ اگەنتتىگىنىڭ (USAID) باسەكەگە قابىلەتتىلىك, ساۋدا جانە جۇمىس ورىندارىن قۇرۋ جونىندەگى جوباسى بولىپ تابىلادى. فورۋمدى قولداعان باسقا سەرىكتەستەر – شىتىرمان وقيعالى ءتۋريزمنىڭ ساۋدا قاۋىمداستىعى, وزبەكستانداعى امەريكالىق ساۋدا پالاتاسى, CERT اكادەمياسى, كورولدىك لوگيستيكا جانە كولىك ينستيتۋتى (CILT), ەۋروپالىق قايتا قۇرۋ جانە دامۋ بانكى (ەقدب), سۋىق تىزبەگىنىڭ عالامدىق اليانسى (GCCA), Indy Guide, «KAZLOGISTICS» قازاقستاننىڭ كولىك قىزمەتكەرلەرىنىڭ وداعى, «Lonely Planet» باسپاسى, ەكونوميكالىق ىنتىماقتاستىق جانە دامۋ ۇيىمى, بۇۇ دۇنيەجۇزىلىك تۋريستىك ۇيىمى, Wideoyster جۋرنالى, «لوگيستيكا مەن كولىك سالاسىنداعى ايەلدەر» جوباسى جانە World Travel Market كورمەسى.
