6 قاراشادا شانحايدا وتكەن كورمەدە قازاقستاندىق پاۆيلوننىڭ سالتاناتتى اشىلۋىندا قر Cاۋدا جانە ينتەگراتسيا ءمينيسترى باقىت سۇلتانوۆ, قازاقستاننىڭ قىتايداعى توتەنشە جانە وكىلەتتى ەلشىسى عابيت قويشىباەۆ, سىرتقى ساۋدا ۇيىمدارىنىڭ وكىلدەرى جانە PwC حالىقارالىق كونسالتينگتىك كومپانياسىنىڭ سەرىكتەستەرى قۇتتىقتاۋ ءسوز سويلەدى. اشىلۋ سالتاناتىنا 30-دان استام شەتەلدىك رەسمي دەلەگاتسيا قاتىستى.
بيىلعى جىلى Covid-19 پاندەمياسىنا بايلانىستى كورمەدە تەك ءدام تاتۋعا مۇمكىندىگى جوق ونىمدەردىڭ ۇلگىلەرى ۇسىنىلدى. الايدا, بۇل كومپانيا وكىلدەرىنە bizconf, VooV جانە WeChat پلاتفورمالارىن پايدالانا وتىرىپ, الەۋەتتى سەرىكتەستەرمەن ونلاين-فورماتتا ناقتى كەلىسسوزدەر جۇرگىزۋگە كەدەرگى جاساعان جوق.
قازاقستاندىق پاۆيلونعا قىتايلىق كومپانيالاردىڭ 1000-نان استام وكىلى كەلدى. كەلۋشىلەردىڭ اراسىندا ءىرى ديستريبيۋتورلار مەن تاماق ونىمدەرىن يمپورتتاۋشىلار, سۋپەرماركەتتەر مەن مەيرامحانالاردىڭ ءىرى جەلىلەرىنىڭ وكىلدەرى بولدى. الەۋەتتى ساتىپ الۋشىلار قازاقستاندىق ءونىمنىڭ تولىق سيپاتتاماسى بار كاتالوگتاردى الدى.
بيىل قازاقستاننىڭ قىتايداعى كورمەگە قاتىسۋى قر سيم – "QazTrade Accelerator" ەكسپورتتىق اكسەلەراتسيا باعدارلاماسى اياسىندا ءوتتى. كورمەدە ازىق-ت ۇلىك كومپانيالارى, باعدارلاما قاتىسۋشىلارى ءوز ونىمدەرىن ۇسىندى. قىتايلىق سەرىكتەستەر قازاقستان ونىمدەرىمەن مىناداي ساناتتاردا تانىسۋعا مۇمكىندىك الدى: 1) ۇن تارتۋ ونەركاسىبى, كراحمالدار مەن كراحمال ونىمدەرى, 2) ەت, بالىق (مۇزداتىلعان, كونسەرۆىلەنگەن), 3) سۋسىندار, 4) ءسۇت ونىمدەرى, 5) كونديتەرلىك ونىمدەر جانە بال, 6) وسىمدىك مايلارى, 7) تۇزدىقتار مەن تۇز.
قازاقستاندىق كومپانيالاردىڭ اعىمداعى جىلى قاتىسۋى ساپالىق جاعىنان باسقا كورمەلەرگە قاراعاندا مۇقيات دايىندىق ۇدەرىستەرىمەن جانە قاجەتتى ماركەتينگتىك جۇمىستاردى جۇرگىزۋمەن ەرەكشەلەنەدى. وسىلايشا, WeChat جانە Weibo پلاتفورمالارىندا "QazTrade Accelerator" باعدارلاماسىنىڭ رەسمي ارنالارىندا ماركەتينگتىك كومپانيا الدىن الا ىسكە قوسىلدى, بۇل الەۋەتتى قىتايلىق سەرىكتەستەردى تارتۋعا مۇمكىندىك بەردى. ماقساتتى تەلەماركەتينگ جانە قىتاي ونەركاسىپتىك جۋرنالدارى مەن بيزنەس قاۋىمداستىقتارىنداعى جارنامالار تاۋارلاردىڭ العا جىلجۋىنا ىقپال ەتتى.
ناتيجەسىندە, كورمەگە قاتىسۋشى ءاربىر قازاقستاندىق كومپانيا ورتا ەسەپپەن قىتايلىق الەۋەتتى سەرىكتەستەردىڭ 10-نان 30 B2B-عا دەيىنگى بايلانىسىنا يە بولدى.
قىتايلىق كومپانيالار مەن تۇتىنۋشىلاردىڭ قىزىعۋشىلىعى ءداستۇرلى تۇردە ەت جانە وسىمدىك ەتى سياقتى وتاندىق ورگانيكالىق ونىمدەرگە باعىتتالعان. وتاندىق ءونىمنىڭ جوعارى ساپاسىنىڭ ارقاسىندا كورمە اياسىندا كومپانيالار اراسىندا نەگىزدەمەلىك مەموراندۋمدار جاساۋعا مۇمكىندىك تۋدى:
- "قوستاناي ۇن تارتۋ كومپانياسى" جشس جانە Jiu San Group قۇرامىندا گتت جوق كۇنباعىس مايىن ساتىپ الۋ بويىنشا;
- Shandong Ju he Yi "رىبپروم" جشس-مەن جاڭا مۇزداتىلعان بالىقتى وتكىزۋ بويىنشا ىنتىماقتاستىق تۋرالى مەموراندۋمعا قول قويۋ نيەتىن مالىمدەدى;
- CPU Supply Chain Management Co. Ltd. شارتقا قول قويۋعا جانە ءوندىرۋشى "Meat processing and service" جشس-تەن ەتتىڭ سىناما پارتياسىن ساتىپ الۋعا دايىن. سونىمەن قاتار, قىتاي تاراپى قىتاي اۋماعىندا ەت ساتۋ بويىنشا بىرلەسكەن كاسىپورىن نەمەسە كومپانيا وكىلدىگىن قۇرۋدى ۇسىندى;
- Kunlunke business management Co Ltd., سونداي-اق "Meat processing and service" جشس كومپانياسىنىڭ سيىر ەتىن العاشقى ساتىپ الۋدى جۇزەگە اسىرۋعا جانە قىتايلىق تۇتىنۋشىنى قازاقستاندىق ءوندىرۋشىنىڭ تابيعي ونىمىمەن تانىستىرۋعا دايىن. قازاقستاندىق ەتتىڭ ارتىقشىلىعى – ونىڭ قۇرامىندا ەشقانداي حيميالىق قوسپالار جوق جانە ەكولوگيالىق تازا ءونىم بولىپ تابىلادى.
بۇل كورمەنىڭ الدىن الا ناتيجەلەرى عانا. PwC ساراپشىلارىنىڭ بەلسەندى قولداۋىمەن بارلىق الىنعان بيزنەس-بايلانىستارمەن ودان ءارى كەلىسسوزدەر جۇرگىزىلەتىن بولادى.
بۇدان باسقا, وتاندىق تاۋارلاردى قىتايلىق ساۋدا جەلىلەرى مەن ماركەتپلەيستەرگە شىعارۋ ءۇشىن كەزەڭ-كەزەڭمەن جۇمىس جۇرگىزىلۋدە.
