"ورتالىق تەمىر جول اۋرۋحاناسىن جەتىلدىرۋ ماسەلەسى بويىنشا ينۆەستورلارمەن كەزدەسۋ ءوتتى. "Ruzgar Tedavi Hizmetleri Company" كومپانياسىنىڭ وكىلدەرى مەملەكەتتىك-جەكەمەنشىك سەرىكتەستىك اياسىندا اۋرۋحانانىڭ جاڭا كورپۋستارىن سالۋعا دا مۇددەلى. ينۆەستورلار وسى مەديتسينالىق مەكەمەگە بارىپ, ستاتسيوناردىڭ قابىلداۋ, دياگنوستيكالىق جانە جالپى حيرۋرگيا بولىمدەرىنىڭ جانە ت.ب. جۇمىسىمەن تانىستى. بۇل كومپانيانىڭ دەنساۋلىق ساقتاۋ نىساندارىن سالۋدا ايتارلىقتاي تاجىريبەسى بار.
ەلوردانى ودان ءارى دامىتۋ جونىندەگى كەڭەستە مەملەكەت باسشىسى ورتالىق تەمىر جول اۋرۋحاناسىنىڭ اپاتتى جاعدايىن ايتا كەتتى. عيماراتتى كۇردەلى جوندەۋ 60 جىل بويى جۇرگىزىلگەن جوق. اۋرۋحانا جۇمىسىن قولداۋ ءۇشىن ەكى كورپۋستا عيماراتقا اعىمداعى جوندەۋ جۇرگىزىلدى. جەكە ينۆەستيتسيالاردى تارتۋ ەسەبىنەن اۋرۋحانانى ودان ءارى جەتىلدىرۋ ماسەلەسى جۇمىسقا الىندى.
سونىمەن بىرگە وسى اۋرۋحانانىڭ ورنالاسقان جەرى مەن اۋداندا حالىق تىعىز ورنالاسقانىن ەسكەرە وتىرىپ, سارىارقا اۋدانىندا مەملەكەتتىك-جەكەمەنشىك سەرىكتەستىك اياسىندا 800 ورىندىق كوپسالالى اۋرۋحانا سالىنادى. مەديتسينالىق مەكەمە الەمدىك ستاندارتتارعا سايكەس زاماناۋي جابدىقتارمەن جابدىقتالادى", دەپ جازدى التاي كولگىنوۆ.
