ء"بىز جوعارى جانە جوعارى وقۋ ورنىنان كەيىنگى ءبىلىم دەڭگەيى بويىنشا مەملەكەتتىك جالپى ءبىلىم بەرۋ ستاندارتىن وزگەرتتىك. ەندى ديپلومدىق جوبالاردى جازۋعا نەمەسە دايىنداۋعا جەتەكشى رەتىندە پراكتيكتەر تارتىلۋى مۇمكىن. بۇل – جوو-لارداعى ءوندىرىس پەن تەوريالىق وقۋدى بايلانىستىرۋعا كومەكتەسەتىن ماڭىزدى وزگەرىس. سونىمەن بىرگە, ءبىز جالپىەۋروپالىق ديپلوم قوسىمشاسى ءبىلىم الۋشىلارعا تەگىن بەرىلەدى دەگەن نورمانى ەنگىزدىك. جوو-لار وسى قۇجاتتى بەرگەنى ءۇشىن اقى الماۋى كەرەك", دەدى م.داۋلەنوۆ ورتالىق كوممۋنيكاتسيالار قىزمەتىندە وتكەن بريفينگتە.
ودان بولەك, مينيسترلىك مەملەكەتتىك ءبىلىم بەرۋ تاپسىرىسىن ورنالاستىرۋدا جوو-لارعا قويىلاتىن تالاپتاردى كوتەردى. گرانتتاردى رەسپۋبليكالىق كوميسسيا بولەدى. بيىل مەملەكەتتىك ءبىلىم گرانتىن ورنالاستىرۋعا 36 جوعارى وقۋ ورنى جىبەرىلمەدى. ونىڭ نەگىزگى سەبەپتەرى – قاتە دەرەكتەر بەرۋ, ساپانىڭ تومەندىگى جانە جۇمىسقا ورنالاسۋ دەڭگەيىنىڭ تومەندىگى.
ء"بىلىم بەرۋ گرانتىنىڭ قۇنى ارتتى. ونى ارتتىرۋدا مينيستر وقىتۋشىلاردىڭ جالاقىسىن كوتەرۋ مىندەتىن قويدى. 2020 جىلدىڭ ءبىرىنشى قىركۇيەگىنەن باستاپ مەملەكەتتىك جوو-لاردا جالاقى ورتا ەسەپپەن 210 مىڭ تەڭگەگە دەيىن, ۇلتتىق جوعارى وقۋ ورىندارىندا – 283 مىڭ تەڭگەگە دەيىن كوتەرىلدى. ءبىز ساپاسىز ءبىلىم بەرەتىن جوعارى وقۋ ورىندارىن وڭتايلاندىرۋ بويىنشا دا جۇمىس ىستەيمىز. جىل باسىنان بەرى 26 جوو-دا كاسىبي تەكسەرۋ جۇرگىزىلدى, جىل سوڭىنا دەيىن تاعى بەس جوو-دا جوسپارلانعان. تەكسەرۋلەر قولدانىستاعى زاڭناماعا سايكەس جۇرگىزىلەدى. ناتيجەسىندە, بيىل بەس جوو جابىلدى, ەكى جوو بويىنشا مينيسترلىكتىڭ باس ليتسەنزيادان ايىرۋ تۋرالى قاۋلىسى قابىلداندى", دەيدى ۆيتسە-مينيستر.
ستۋدەنتتەر ءۇشىن قورقاتىن ەشتەڭە جوق. ەرەجەگە سايكەس, ستۋدەنتتەر سەمەستردىڭ اياقتالۋىن كۇتپەستەن باسقا ۋنيۆەرسيتەتتەرگە اۋىسا الادى.
ء"بىز قازىر قولدانىستاعى زاڭناماعا وزگەرىس ەنگىزۋدەمىز. ەگەر جوو-دا ليتسەنزيا توقتاتىلسا, ستۋدەنتتەر باسقا جوو-عا اۋىسا الادى. 25 جوو كادر دايارلاۋدا بەيىنى جوق باعىتتار بويىنشا ليتسەنزياعا 60 قوسىمشادان ايىرىلدى. ءبىز پەداگوگيكالىق جوعارى وقۋ ورىندارىنىڭ زاڭگەرلەردى, ەكونوميستەردى وقىتپاۋى ءۇشىن, پەداگوگيكالىق كادرلاردىڭ ساپاسىن ارتتىرۋى ءۇشىن جۇمىس ىستەپ جاتىرمىز", دەدى ميراس داۋلەنوۆ.
