وسىعان بايلانىستى, اكىمدىكتىڭ 2019 جىلعى 26 ناۋرىزداعى قاۋلىسىمەن بالالار ءۇيى قيىن ومىرلىك جاعدايداعى بالالاردى قولداۋ ورتالىعى بولىپ قايتا قۇرىلدى. سونىمەن قاتار بالالاردى ورتالىقتان تۇراقتى تۇرۋ توپتارىنان "SOS استانا بالالار اۋىلىنا" وتباسىلىق تاربيەمەن اۋىستىرۋ تۋرالى شەشىم قابىلداندى.
وسى ماقساتتا نۇر-سۇلتان اكىمدىگى, "SOS قازاقستاننىڭ بالالار اۋىلدارى" كورپوراتيۆتىك قورى, قازاقستان رەسپۋبليكاسى ءبىلىم جانە عىلىم مينيسترلىگى بالالاردىڭ قۇقىقتارىن قورعاۋ كوميتەتى, "انا ءۇيى" قق, قيىن ومىرلىك جاعدايداعى بالالاردى قولداۋ ورتالىعى اراسىندا مەموراندۋمعا قول قويىلدى.
"جىل باسىنان بەرى 29 وقۋشى اۋىلعا اۋىستىرىلدى. 2020 جىلدىڭ سوڭىنا دەيىن قالعان 22 تاربيەلەنۋشىنى اۋىستىرۋ جوسپارلانىپ وتىر. وسى ماسەلەدە ءبىزدى قولداعان "انا ءۇيى" قوعامدىق قورىن اتاپ وتكىم كەلەدى. ولار اۋىلدىڭ 10 ۇيىندە جانە قازاندىقتا اقىسىز نەگىزدە كۇردەلى جوندەۋ جۇرگىزدى, ەندى تاعى ەكى ۇيدە جوندەۋ جۇمىستارى جۇرگىزىلۋدە", دەدى قورعانشىلىق جانە قامقورشىلىق ءبولىمىنىڭ باسشىسى گ ۇلىم ءجۇسىپوۆا.
ورتالىقتىڭ فۋنكتسيالارى كۇشەيتىلدى, ولار قولايسىز وتباسىلارعا, قيىن ومىرلىك جاعدايعا تاپ بولعان وتباسىلارعا الەۋمەتتىك, قۇقىقتىق جانە پسيحولوگيالىق-پەداگوگيكالىق قولداۋ كورسەتۋگە, الەۋمەتتىك جەتىمدىكتىڭ الدىن الۋعا باعىتتالعان.
قالادا بارلىعى جەتىم جانە اتا-اناسىنىڭ قامقورلىعىنسىز قالعان 860 بالا تىركەلگەن. ونىڭ ىشىندە 604 بالا قورعانشىلىق پەن قامقورشىلىقتا, 79 بالا پاتروناتتىق تاربيەدە, 4 بالا پاتروناتتىق وتباسىلاردا, 173 بالا جەتىم بالالار مەن اتا-اناسىنىڭ قامقورلىعىنسىز قالعان بالالارعا ارنالعان مەكەمەلەردە.
