ونىڭ ايتۋىنشا, ءبىراز جىل بالا تاربيەسىمەن ۇيدە وتىرۋعا تۋرا كەلىپتى. سول كەزدە بوس وتىرماي, «حانشايىم ماقپالى» دەپ اتالاتىن ماتادان كورپە تىگۋدى ۇيرەنىپتى. وعان تۇرعىنداردان ۇلتتىق ناقىشپەن بەدەرلەنگەن كورپە-كوپشىككە تاپسىرىستىڭ كوبەيۋى سەبەپ بولىپتى. وسىلايشا, ءتورت جىل بۇرىن ءوزىنىڭ كاسىبىن اشۋعا قادام جاسادى.
– بيىل ۇلتتىق ويۋ-ورنەكتەر سالىنعان قىز جاساۋى مەن كيىم-كەشەك, ءتۇرلى بۇيىمداردى ساندەپ تىگەتىن وتباسىلىق ءىسىمدى كەڭەيتۋدى كوزدەدىم. تاپسىرىس بۇرىنعىدان دا كوبەيدى. اسىرەسە قىز جاساۋىنا سۇرانىس ارتىپ وتىر. شاعىن تىگىن شەبەرحاناسىن كەڭەيتىپ, قىزمەتكەرلەردىڭ سانىن ارتتىردىق. ناۋرىز ايىنان بەرى اتىراۋ قالاسىنىڭ ىرگەسىندەگى كوكارنا اۋىلىندا بوس تۇرعان تويحانانى جالعا الىپ, جۇمىسىمىزدى جانداندىردىق, – دەيدى مەيرامگۇل يمانعاليەۆا.
قازىر ونىڭ تىگىن شەبەرحاناسىندا 25 ادام جۇمىس ىستەيدى. ايىنا 100-150 دانا توپتاماعا تاپسىرىس ءتۇسىپ تۇر. شەبەرحانادا تىگىنشىلەر تەگىن تۇسكى اسپەن قامتىلىپ وتىر. سونداي-اق تىگىنشىلەرگە 150 مىڭ تەڭگەگە دەيىن جالاقى تولەيدى.
– شەبەرحاناعا جۇمىسقا ورنالاسقانىما كوپ بولعان جوق. جۇمىسىم وزىمە ۇنايدى. ۇلتتىق ناقىشتا ءىس تىگۋدىڭ وزىندىك ەرەكشەلىگى بار عوي. شىن نيەتى بار ادامعا بۇل قيىن ەمەس ەكەن, – دەيدى جاس تىگىنشىلەردىڭ ءبىرى ايىم جاقسىلىقوۆا.
اتىراۋ وبلىسى
