"قالا تۇرعىندارى مەن قوناقتارى اباي بولىپ, اۋا رايىنىڭ وزگەرۋىن باقىلاپ, ەنگىزىلگەن شەكتەۋلەر تۋرالى اقپاراتپەن تانىسۋعا كەڭەس بەرىلەدى. قۇرىلىس نىساندارىنا قولايسىز اۋا رايىنا بايلانىستى حالىقتى جانە اۋماقتى قورعاۋ بويىنشا قوسىمشا شارالار قابىلداۋ قاجەت, مۇمكىندىگىنشە وبەكتىلەردەگى قۇرىلىس-مونتاجداۋ جۇمىستارىنىڭ قىزمەتىن شەكتەۋ كەرەك", دەلىنگەن حابارلامادا.
سونداي-اق قۇتقارۋشىلار توتەنشە جاعداي كەزىندە ءوزىن قالاي ۇستاۋ كەرەكتىگى تۋرالى بىرقاتار ۇسىنىس ايتتى.
"ەگەر ءسىز قاتتى جەلدە قالىپ قويساڭىز, قورعان بولاتىن عيماراتتاردا ايالداۋعا كەڭەس بەرەمىز. ۇيلەردىڭ قابىرعالارىنا جاقىن جەرلەردە تۇرماڭىز, ويتكەنى شاتىرلاردان شيفەر مەن باسقا شاتىر ماتەريالدارى قۇلاۋى مۇمكىن. ەشقانداي جاعدايدا قوعامدىق كولىك ايالدامالارىنىڭ, بيلبوردتاردىڭ, اياقتالماعان عيماراتتاردىڭ, اعاشتاردىڭ استىنا تىعىلماڭىز. قاتتى جەل كەزىندە ەلەكتر جەلىلەرىنىڭ استىندا تۇرۋ جانە ۇزىلگەن ەلەكتر سىمدارىنا جاقىنداۋ وتە قاۋىپتى", دەيدى ساراپشىلار.
داۋىل كەزىندە ەڭ الدىمەن تۇرعىن ۇيلەردەگى ەلەكتر جەلىلەرى مەن جابدىقتاردىڭ, جىلىتۋ پەشتەرىنىڭ جاعدايىن تەكسەرۋ كەرەك. پاتەردە ەلەكتر جەلىسىنىڭ كەرنەۋى جوعارىلاعان كەزدە بارلىق تۇرمىستىق ەلەكتر قۇرىلعىلارىن دەرەۋ ءوشىرۋ كەرەك.
قۇلاپ قالماس ءۇشىن كوكتايعاق كەزىندە كەلەسى ەرەجەلەردى ساقتاۋ قاجەت:
- بيىك وكشەلەردەن باس تارتىپ, تابانى تايعانامايتىن اياق كيىمدى تاڭداڭىز;
- جولداعى جۇرگىنشىلەر وتەتىن جەردە وتە مۇقيات بولىڭىز: اسىقپاڭىز جانە جۇگىرمەڭىز;
- كولبەۋ بەتى بار بارلىق جەرلەردى اينالىپ وتۋگە تىرىسىڭىز;
- مۇمكىندىگىنشە قولدارىڭىز بوس بولۋى كەرەك, اۋىر سومكەلەردى الىپ جۇرمەۋگە تىرىسىڭىز, قولىڭىزدى قالتاڭىزعا سالماڭىز, بۇل قۇلاۋ قاۋپىن تۋعىزۋى مۇمكىن;
- قارت ادامدارعا رەزەڭكە ۇشى بار نەمەسە ۇشكىر ۇشى بار ارنايى تاياقشا ۇستاۋ قاجەت.
توتەنشە جاعداي تۋىنداعان جاعدايدا 112 تەلەفون نومىرىنە قوڭىراۋ شالۋ قاجەت.
