ء«بىر جىل ىشىندە ساربازدار اسكەري ماماندىقتاردى يگەردى. جاۋىنگەرلىك دايىندىقتا ايتارلىقتاي ناتيجەلەرگە قول جەتكىزدى. اۋقىمدى ارنايى-تاكتيكالىق وقۋ-جاتتىعۋلار مەن «التىن جەبە» كەشەندى تەكسەرىسىنە قاتىستى. جاۋىنگەرلەر قارۋ-جاراقتى شەبەر مەڭگەرە ءبىلدى. دالالىق جاعدايدا ءومىر سۇرۋگە ۇيرەندى.سونىمەن قاتار, زاپاسقا شىققاندار اراسىندا كەلىسىمشارتپەن اسكەري قىزمەتتى جالعاستىرۋعا شەشىم قابىلداعاندار بار» دەپ حابارلادى اتىراۋ گارنيزونىنىڭ ءباسپاسوز قىزمەتى.
ۇلگىلى اسكەري ءتارتىبى, جاۋىنگەرلىك جانە دەنە شىنىقتىرۋ جاتتىعۋلارىنداعى جوعارى كورسەتكىشى ءۇشىن ساربازدار ديپلومدارمەن ماراپاتتالدى. سونداي-اق, ۇزدىك ساربازدار اسكەري ءبولىمنىڭ قۇرمەت كىتابىنا ەنگىزىلدى. بىرقاتار اسكەري قىزمەتشىلەرگە كەزەكتى اسكەري شەن بەرىلىپ, فيزيكالىق دايىندىعىمەن كوزگە تۇسكەن ساربازدارعا «سپورتشى-جاۋىنگەر» توسبەلگىسى تابىستالدى.
