ساپار اياسىندا سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆ "قوستاناي-قارابۇتاق" اۆتوجولىن قايتا جاڭارتۋ جۇمىستارىنىڭ بارىسىمەن تانىستى.
"جول اكتيۆتەرىنىڭ ۇلتتىق ساپا ورتالىعىنىڭ" ارنايى زەرتحاناسىمەن بىرلەسىپ مونيتورينگكە قوعام, مەملەكەتتىك ورگاندار مەن باق وكىلدەرى قاتىستى.
جوبا بويىنشا 112 كم جاڭا توسەم سالۋ كوزدەلگەن. "قازاۆتوجول" اق وكىلدىگىنىڭ ايتۋىنشا, اتالعان جولدى قايتا جوندەۋگە 7,9 ملرد تەڭگەدەن استام قاراجات بولىنگەن. ساراپشىلار زەرتحانا ىرىكتەپ العان ماتەريالداردى تالداپ, باعالايدى. جوبانى اياقتاۋ مەرزىمى – 2021 جىلدىڭ قىركۇيەگى.
ەستەرىڭىزگە سالا كەتەيىك, بيىل وبلىستىق سىبايلاس جەمقورلىققا قارسى قىزمەت "جول اكتيۆتەرىنىڭ ۇلتتىق ساپا ورتالىعى" جانىنداعى "ادالدىق الاڭى – ساپالى جول" جوباسى اياسىندا قوعام بەلسەندىلەرىمەن بىرلەسىپ جول قۇرىلىسىنا 40-تان استام مونيتورينگ جۇرگىزءدى. ونىڭ قورىتىندىسى بويىنشا شالا جاسالعان ولقىلىقتار مەن بۇزۋشىلىقتاردى جويۋ بويىنشا ۇسىنىمدار ەنگىزىلءدى. وسىلايشا, قول جەتكىزىلگەن الدىن الۋ اسەرى 136 ملن تەڭگەگە تەڭ.
اتاپ ايتقاندا, 2 قاراشادا باقىلاۋشىلار توبى رەسپۋبليكالىق ماڭىزى بار م-36 "ەكاتەرينبۋرگ-الماتى" جولىنىڭ 635-685 كم قاشىقتىقتاعى ورتاشا جوندەۋ جۇمىستارىن تەكسەرىپ, انىقتالعان سايكەسسىزدىكتەرگە بايلانىستى مەردىگەر ۇيىمنىڭ جۇمىستارىن قابىلداۋدان باس تارتتى.
