ونلاين رەجيمدە وتكەن جيىندى شقتۋ ءبىرىنشى پرورەكتورى ساۋلە جادىگەرقىزى راحمەتۋللينا اشتى. ال "Sanaly urpaq" جوبالىق كلۋبىنىڭ مۇشەلىگىنە وتكەن 1 كۋرس ستۋدەنتتەرى وتانىمىزدىڭ پاريوتى بولۋعا, ەل ءۇشىن ادال قىزمەت ەتۋگە, ادىلەتتى بولۋعا انت بەردى.
كەزدەسۋگە قاتىسۋشىلار جاستارعا ادىلدىكتىڭ اق تۋىن تىك ۇستاپ, جەمقورلىقتان اۋلاق بولۋعا شاقىردى.
"ەلىمىزدە سىبايلاس جەمقورلىقتىڭ الدىن الۋ ءۇشىن از جۇمىس اتقارىلىپ جاتقان جوق. "Sanalyurpag" جوباسى دا وسىنداي ماقساتتا قولعا الىنعان. بۇگىندە حالقىمىزدىڭ تەڭ جارتىسىنىڭ ءبىلىم سالاسىنا تىكەلەي قاتىسى بار. سول ءۇشىن بالاباقشالاردا, مەكتەپتەردە, كوللەدجدەر مەن ۋنيۆەرسيتەتتەردە پاراقورلىققا توزبەۋشىلىك مادەنيەتىن قالىپتاستىرۋىمىز قاجەت. وسى ورايدا ءبىز بىرنەشە ادىستەمەلىك قۇرالدار دايىندادىق. ءاربىر جوعارعى وقۋ ورنىندا "اكادەميالىقادالدىق" كودەكسى قابىلدانۋى كەرەك. جەمقورلىققا قارسى ءىس-قيمىلدىڭ كەشەندى جوسپارى بەكىتىلىپ, سول بويىنشا ارەكەت ەتكەن ءجون", دەدى سىبايلاس جەمقورلىققا قارسى ءىس-قيمىل اگەنتتىگىنىڭ رەسپۋبليكالىق "Sanaly urpag" جوبالىق كەڭسەسىنىڭ باسشىسى قايىرجان توكۋشەۆ.
سونداي-اق كەزدەسۋدە فيلولوگيا عىلىمدارىنىڭ كانديداتى, قازاق تەحنولوگيا جانە بيزنەس ۋنيۆەرسيتەتى قازاقستان تاريحى جانە الەۋمەتتىك-گۋمانيتارلىق پاندەر كافەدراسىنىڭ پروفەسسورى ءسابيرا ساپينا "اكادەميالىقادالدى" اتتى ءدارىس وقىدى.
"وكىنىشكە وراي, ستۋدەنتتەردىڭ كوبى قانداي دا ءبىر تاقىرىپتى قامتىعاندا زەرتتەۋگە ەمەس, ىزدەۋگە بەيىم. ياعني, جاڭا تۇجىرىمدامالار اشقاننان گورى دايىن دۇنيەنى قايتالاي سالادى. جاستار پلاگياتقا جولاماي, جاڭالىق اشقانعا ۇمتىلۋى قاجەت", دەدى پروفەسسور ءسابيرا ساپينا.
كەزدەسۋ سوڭىندا د.سەرىكباەۆ اتىنداعى شقتۋ ستۋدەنتتەرىن "Sanaly urpag" جوبالىق كلۋبىنا ءمۇشەلىككە قابىلداۋ ءراسىمءىن وتكىزدى.
وسكەمەن
