تەحنولوگيا • 05 قاراشا، 2020

سولتۇستىك قازاقستاننىڭ 225 اۋىلىندا ينتەرنەت جوق

19 رەت كورسەتىلدى

سولتۇستىك قازاقستان وبلىسىنداعى 625 ەلدى مەكەننىڭ 543-ءى جىل سوڭىنا دەيىن ينتەرنەتپەن قامتاماسىز ەتىلەدى، دەپ حابارلايدى Egemen.kz

وسى ماقساتتا وڭىردە ەكى جوبا جۇزەگە اسىرىلىپ جاتىر. سولتۇستىك قازاقستان وبلىسى ىشكى ساياسات باسقارماسىنىڭ مالىمەتىنشە، قازىرگى تاڭدا وبلىس ەلدى مەكەندەرىنىڭ 410-ى، ياعني 64.56%-ءى ءتۇرلى تەحنولوگيالار بويىنشا ينتەرنەتكە قول جەتكىزدى. بۇل اۋىلداردا 273 مىڭعا جۋىق ادام تۇرىپ جاتىر. ال 37 مىڭنان استام تۇرعىنى بار 225 اۋىلدا ءالى كۇنگە ينتەرنەت جوق. ونىڭ ىشىندە 53-ءى - حالىق سانى 250-دەن اساتىن ۇلكەن ەلدىمەكەندەر.

جوسپار بويىنشا جىل سوڭىنا دەيىن 133 اۋىلدا ينتەرنەت قولجەتىمدى بولماق. سقو-دا ەكى جوبا جۇزەگە اسىرىلىپ جاتىر. سونىڭ ءبىرى – قازاقتەلەكوم، ترانستەلەكوممەن بىرلەسكەن مەملەكەتتىك-جەكەشەلىك ارىپتەستىك جوباسى. كەڭجولاقتى ينتەرنەت 75 ەلدىمەكەنگە جەتتى. قازىر ءۋاليحانوۆ اۋدانىنىڭ مورتىق، قوندىباي جانە كوبەنساي اۋىلدارىندا ءتيىستى جۇمىستار ءجۇرىپ جاتىر. ءموبيلدى كەڭجولاقتى ينتەرنەت Beeline، Kcell، Altel، Tele 2 ارقىلى 70 اۋىلعا قولجەتىمدى بولماق.

جوسپارلانعان جوبالار ءساتتى جۇزەگە اسقان جاعدايدا قوسىمشا تاعى 32 ەلدىمەكەنگە ينتەرنەت جەتەدى. 2021 جىلى بۇل جۇمىستار جالعاسىن تاپپاق. جەتى مىڭنان ارتىق تۇرعىنى بار 21 ەلدىمەكەنگە ءموبيلدى كەڭ جولاقتى ينتەرنەت قوسۋ جوسپارلانعان.

بۇل اۋىلداردىڭ ارقايسىسىندا 250-دەن ارتىق تۇرعىنى بار. مامانداردىڭ ايتۋىنشا، الداعى ءبىر-ەكى جىلدا وبلىستىڭ 95% حالقىنا كەڭجولاقتى ينتەرنەتپەن قامتىلادى. 20 مىڭعا جۋىق تۇرعىنى بار 172 اۋىلدا بۇل ماسەلە وزەكتى قالماق. ولار 2021 جىلدىڭ جوسپارىنا ەنگەن جوق.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار