الماتى اۋەجايىندا مەگاپوليسكە حالىقارالىق رەيستەرمەن ۇشىپ كەلگەن ازاماتتار اراسىندا كوروناۆيرۋس ينفەكتسياسىنا تەستىلەۋدەن وتكەنى تۋرالى انىقتاماسىز كەلگەندەردى انىقتاۋ جۇمىسى جالعاسىن تاۋىپ وتىر.
وتكەن اپتادان بەرى, ياعني 27 قازانى مەن 3 قاراشا ارالىعىندا شەتەلدەن الماتىعا 7682 جولاۋشىسى بار 51 اۋە رەيسى كەلدى. انىقتاماسى جوق 258 جولاۋشى انىقتالعان.
COVID-19-عا پتر تەست نەتيجەسى جوق بارلىق 258 جولاۋشى كوروناۆيرۋس ينفەكتسياسىنا زەرتحانالىق تەكسەرۋ ءۇشىن كارانتيندىك مەكەمەلەرگە وقشاۋلاندى. زەرتتەلگەن 258 تەستىنىڭ 219-ى تەرىس ناتيجە كورسەتسە, 39-ى تەكسەرىلۋ بارىسىندا.
الەمدەگى ەپيدەميالىق جاعدايدىڭ ۋشىعۋىنا بايلانىستى الماتى قالاسىنىڭ اكىمدىگى قالا تۇرعىندارىن مۇمكىندىگىنشە شەتەلگە ساپارعا شىعۋدى ۋاقىتشا توقتاتۋدى, سونداي-اق بارلىق سانيتارلىق-ەپيدەميالىق شارالاردى: ماسكا رەجيمىن جانە الەۋمەتتىك قاشىقتىقتى ساقتاۋدى جالعاستىرۋعا شاقىرادى. تاۋەكەل توبىنداعى حالىققا, اسىرەسە 65 جاستان اسقان ادامدارعا ۇيدەن شىقپاۋ ۇسىنىلادى.
الەمدە ەپيدەميالىق جاعداي تۇراقسىز, بىرقاتار ەلدە اۋرۋدى جۇقتىرۋدىڭ وسكەنى تىركەلىپ وتىر, وسىعان بايلانىستى كارانتيندىك رەجيمدى كۇشەيتۋ بويىنشا شارالار قابىلدانۋدا. اشىق دەرەكتەرگە سايكەس, يسپانيادا 26 قازاننان باستاپ تج رەجيمى ەنگىزىلدى, قالالاردا كومەندانتتىق ساعات جۇمىس ىستەيدى. فرانتسيادا كارانتين-1 جەلتوقسانعا دەيىن. فرانتسيا بيلىگى كوروناۆيرۋس ينفەكتسياسىن جۇقتىرۋ وقيعالارىنىڭ كوبەيۋىنە بايلانىستى بۇكىل ەلدە وسىعان دەيىن ەنگىزىلگەن وقشاۋلاۋ رەجيمىنە پاريجدە كومەندانتتىق ساعات ەنگىزۋگە نيەتتى. گەرمانيادا 2 قاراشادان باستاپ بۇكىل ەل بويىنشا كارانتين ەنگىزىلەدى. اۆستريادا 3 قاراشادان باستاپ كوروناۆيرۋستىڭ تارالۋىن بولدىرماۋ ءۇشىن 30 قاراشاعا دەيىن ەكىنشى كارانتين باستالدى.
