ءمامس اياسىندا ەلوردانىڭ مەديتسينالىق مەكەمەلەرى پروفيلاكتيكالىق تەكسەرۋ, كونسۋلتاتيۆتىك-دياگنوستيكالىق جانە ستاتسيونارلىق كومەك, سونداي-اق قالىپقا كەلتىرۋ ەمى قىزمەت تۇرلەرىن كورسەتتى. بۇل تۋرالى بريفينگتە قالالىق قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ ايتتى.
"سونىمەن قاتار, جىل باسىنان بەرى كت جانە مرت, مەديتسينالىق-گەنەتيكالىق زەرتتەۋلەردى, زەرتتەۋلەردىڭ قىمبات تۇرلەرى بمسك دارىگەرىنىڭ جولدامالارى بويىنشا بارلىق پاتسيەنتتەرگە تەگىن كورسەتىلدى", دەپ حابارلادى تيمۋر مۇراتوۆ.
سونداي-اق قاڭتار ايىنان باستاپ, امبۋلاتوريالىق دەڭگەيدە ۇسىنىلاتىن دارىلىك زاتتاردىڭ ءتىزىمى كوبەيدى. اتاپ ايتقاندا, وعان 29 ەرەسەك جانە 53 بالالار اۋرۋلارى بويىنشا جاڭا نوزولوگيا ەنگىزىلگەن.
"الەۋمەتتىك دەنساۋلىق ساقتاۋ قورى" ەلوردالىق فيليالىنىڭ ديرەكتورى نۇرلىبەك قابدىقاپاروۆ اتاپ وتكەندەي, ناۋقاستارمەن تۇراقتى كەرى بايلانىس جۇرگىزىلەدى.
"بايلانىس-ورتالىعىنا 1406 ءنومىرى ارقىلى ازاماتتاردىڭ وتىنىشتەرى مەن شاعىمدارى قابىلدانادى. مەديتسينالىق قىزمەت كورسەتۋ ماسەلەلەرى بويىنشا قوردىڭ نۇر-سۇلتان قالاسى بويىنشا بايلانىس ورتالىعىندا 2020 جىلعى 1 قاڭتار مەن 1 قاراشا ارالىعىندا 92 241 ءوتىنىش تىركەلگەن, ولاردىڭ بارلىعى ءبولىم ماماندارىمەن قارالعان", دەدى نۇرلىبەك قابدىقاپاروۆ.
ەستەرىڭىزگە سالا كەتەيىك, ءمامس جۇيەسىندەگى ءوز مارتەبەڭىزدى رەسمي سەرۆيستەر ارقىلى – ماسق سايتىنان fms.kz, "Qoldau 24/7" ءموبيلدى قوسىمشاسىندا, Telegram-داعى Saqtandyru-bot-تا تەكسەرۋگە بولادى.
Qoldau 24/7 قوسىمشاسىن جۇكتەپ الىپ, ءوتىنىش, العىس, ۇسىنىس قالدىرۋعا بولادى. مىندەتتى الەۋمەتتىك مەديتسينالىق ساقتاندىرۋ جانە مەديتسينالىق قىزمەت كورسەتۋ ماسەلەلەرى بويىنشا كەڭەس الۋ دا مۇمكىن.
