"بۇگىنگى كۇنى الماتى وبلىسى اۋىلدىق ەلدى مەكەندەردى ورتالىقتاندىرىلعان اۋىز سۋمەن قامتۋ بويىنشا كوشباسشى سانالادى, ونىڭ قامتۋ كورسەتكىشى – 98,8%. ال ءوڭىر حالقىنىڭ 80%-ءى اۋىلدا تۇراتىنىن سىزدەر جاقسى بىلەسىزدەر", - دەدى ا. باتالوۆ وكك الاڭىندا وتكەن بريفينگتە سويلەگەن سوزىندە.
سونىمەن قاتار بۇگىنگى كۇنى گاز وبلىستىڭ 15 اۋدانى مەن قالاسىنا جەتكىزىلىپ, گازداندىرۋعا جاتاتىن 144 ەلدى مەكەنگە گاز تارتىلدى.
تالدىقورعاندا IV كەزەگى اياقتالۋدا, بالقاش, قاراتال, كوكسۋ, كەربۇلاق جانە ەسكەلدى اۋداندارىندا اۋىلىشىلىك جەلىلەردىڭ قۇرىلىسى قارقىندى جۇرگىزىلىپ جاتىر. جىل سوڭىنا قاراي وبلىستىڭ 1,2 ملن تۇرعىنى نەمەسە 57% گازعا قوسىلۋعا مۇمكىندىك الادى.
"بۇگىنگى كۇنى بەس اۋداندا گاز جەتكىزىلمەگەن, ول ءۇشىن "اقسۋ - سارقان - ءۇشارال", "شەلەك – كەگەن - نارىنقول" باعىتىنداعى گاز قۇبىرلارى قۇرىلىسىنىڭ قۇجاتتامالارى دايىندالۋدا. سونىڭ ناتيجەسىندە تاعى 300 مىڭ ادام گازبەن قامتىلاتىن بولادى", - دەدى ول.
