قوعام • 04 قاراشا، 2020

نۇر-سۇلتاندا گاز ءتاريفى تومەندەدى

18 رەت كورسەتىلدى

نۇر-سۇلتاندا گاز ءتاريفى تومەندەتىلدى. گازدىڭ ءبىر تەكشە مەترىنىڭ باعاسى 45 تەڭگەدەن 34،6 تەڭگەگە ءتۇستى. بۇعان دەيىن ءبىر تەكشە مەتردى 60 تەڭگە دەپ بەلگىلەۋ بولجانعان ەدى، دەپ حابارلايدى Egemen.kz.

ەلوردادا تۇرعىن اۋدانداردا كۆارتالىشىلىك گازبەن جابدىقتاۋ جەلىلەرىن سالۋ بويىنشا جۇمىس جالعاسۋدا. مىسالى، جەلەزنودوروجنىي تۇرعىن الابىندا گاز تاراتۋ جەلىلەرى ارقىلى ىسكە قوسۋ تولىق قامتاماسىز ەتىلگەن. تۇتىنۋشىلاردى قوسۋ ءۇشىن قاجەتتى شارالار قابىلدانۋدا.

كوكتال-2 جانە پرومىشلەننىي تۇرعىن اۋداندارىندا كۆارتالكىشىلىك گازبەن جابدىقتاۋ جەلىلەرىنىڭ قۇرىلىسى بويىنشا جۇمىستار اياقتالدى - گاز جەتكىزۋ قۇبىرى ارقىلى ىسكە قوسىلدى. ىشكى جەلىلەردە پايدالانۋعا بەرۋ جۇمىستارى جۇرگىزىلۋدە.

كوكتال-1 تۇرعىن الابىندا گاز تاراتۋ جەلىلەرىنىڭ 90 پايىزى تارتىلدى. بۇل جۇمىس اگروقالاشىق، وڭتۇستىك شىعىس تۇرعىن الاپتارىندا دا جۇزەگە اسىرىلادى.

پايدالانۋ شارتى بويىنشا ۇيلەردى گازعا جانە ەسەپتەۋ قۇرالدارىنا قوسۋدىڭ تەحنيكالىق شارتتارىن الۋ ءۇشىن تۇرعىندار فرونت-كەڭسەلەرگە حابارلاسۋلارى كەرەك.

بيىل جەو-1 جانە جەو-2 قازاندىقتارى دا گازعا اۋىستىرىلدى. گازداندىرۋ پروتسەسى ءۇش كەزەڭنەن تۇرادى، بارلىق تۇرعىن اۋداندار كەزەڭ-كەزەڭىمەن قوسىلادى. گازداندىرۋ قورشاعان ورتانى جاقسارتۋعا عانا ەمەس، تۇرعىنداردىڭ دەنساۋلىعىنا دا پايدالى اسەر ەتەدى، سونىمەن قاتار جەكە سەكتور تۇرعىندارىنىڭ ءومىر ءسۇرۋ جاعدايلارىن ايتارلىقتاي جەڭىلدەتەدى.

گازداندىرۋ ماسەلەسى مەملەكەت باسشىسىنىڭ تىكەلەي باقىلاۋىندا.

سوڭعى جاڭالىقتار

قانشا ادام ۆاكتسينا سالدىردى؟

كوروناۆيرۋس • بۇگىن، 09:16

ۇقساس جاڭالىقتار