ب.ت. تايسالوۆانىڭ 2017-2018 جىلدار ارالىعىندا قازاقستانداعى شەتەلدىك كومپانيانىڭ مۇددەسىن قورعاپ, قازىرگى ۋاقىتتا حالىقارالىق ىزدەۋدە جۇرگەن ادامدارمەن الدىن-الا ءسوز بايلاسۋ ارەكەتىن جاساعانى انىقتالدى. ول شەتەلدىك "سىبايلاستارىنا" ادام اعزالارىنا قاتىستى زاڭسىز مامىلەلەر جاساۋعا كومەكتەسكەن.
سونىمەن بىرگە, تايسالوۆا دونور مەن رەتسيپيەنت اراسىنداعى وتباسىلىق بايلانىستار تۋرالى جالعان قۇجاتتاردى قولدانعانى دا انىقتالدى. وتەۋسىز كەلىسىمدى نوتاريالدى كۋالاندىرىپ, سولاردىڭ نەگىزىندە ورگاندار ترانسپلانتاتسياسى جۇرگىزىلگەن قازاقستاننىڭ مەديتسينالىق مەكەمەلەرىنە جىبەرگەن.
"ال ترانسپلانتاتسيا جاساعان دارىگەرلەر قۋتتىمۇراتوۆ گ.م. جانە دونباي ا.ا., جالعان قۇجاتتار تۋرالى بىلمەگەن, بارلىق ورگانداردى ترانسپلانتاتسيالاۋ وپەراتسيالارى ءتيىستى قۇجاتتاردى تىركەۋمەن رەسمي تۇردە جۇرگىزىلگەن", دەلىنگەن سوت حابارلاماسىندا.
سوت وپەراتسيالارعا اقى تولەۋ مەديتسينالىق مەكەمەنىڭ ەسەپ ءبولىمى ارقىلى جۇزەگە اسىرىلعانىن دا اتاپ ءوتتى.
"وسىعان بايلانىستى, قۇتتىمۇراتوۆ پەن دونباي زاڭسىز ورگاندار ترانسپلانتاتسياسى ءۇشىن كىنالى ەمەس دەپ تانىلدى. سونىمەن بىرگە, قۇتتىمۇراتوۆ جاساعان ترانسپلانتاتسيالاۋ وپەراتسياسىنىڭ ناتيجەسىندە ناۋقاس ۆيچ-كە شالدىققان. ياعني دارىگەرلەر ءوز مىندەتىن ءتيىستى دەڭگەيدە ورىندامادى", دەپ ءتۇسىندىردى سۋديا.
اتالعان ىسكە بايلانىستى قۇتتىمۇراتوۆ قىلمىستىق كودەكستىڭ 317-بابى, 5-بولىگى بويىنشا 2 جىل 6 ايعا باس بوستاندىعىنان ايىرىلدى. سوت بۇل مۇمكىن بولاتىن ەڭ جوعارعى جازا ەكەنىن اتاپ ءوتتى. ۇكىم ءالى زاڭدى كۇشىنە ەنگەن جوق.
تايسالوۆا قىلمىستىق كودەكستىڭ 28-بابى, 5-بولىگى, 116-بابى, 2-بولىگى, 3, 4-تارماقشالارى, 385-بابى, 3-بولىگى بويىنشا التى جىلعا باس بوستاندىعىنان ايىرىلدى (جازا 6 جىل 8 ايدان اسپاۋى كەرەك).
