ولاردىڭ مالىمەتتەرى بويىنشا, توعىز ادام قايتىس بولعان, ونىڭ ىشىندە بەس جاسار بالا بار ەكەنى انىقتالدى. ول الباي پروۆينتسياسىنىڭ تۇرعىنى بولعان. حابار-وشارسىز كەتكەن ءۇش ادام گينوباتان مۋنيتسيپاليتەتىنەن ەكەن. سونىمەن قاتار كاتاندۋانەس پروۆينتسياسىنداعى اپات اسەرىنەن تاعى ءبىر ادام قايتىس بولعان. سونداي-اق ءبىر ادام زارداپ شەككەنى تۋرالى ايتىلادى.
ۇلتتىق كەڭەستىڭ اقپاراتىنا سايكەس, تايفۋن 372 مىڭنان استام وتباسىنا, ياعني, 2 ملن ادامعا زاردابىن تيگىزگەن. ايتۋىلارىنشا, 390 مىڭعا جۋىق ادام ەۆاكۋاتسيالانعان. كەلتىرىلگەن زالالدىڭ سوماسى ءالى كۇنگە دەيىن باعالانۋدا.
حابارلامادا ايتىلعانداي, 8,5 مىڭعا جۋىق ءۇي ەلەكتر جارىعىنسىز قالعان. ايماقتاعى كوپتەگەن جولداردىڭ اپات سالدارىنان جابىلۋىنا بايلانىستى قۇتقارۋ قىزمەتتەرى زارداپ شەككەن اۋداندارعا جەتە الماي جاتىر.
1 قاراشادا "گوني" سۋپەرتايفۋنى ءفيليپپيننىڭ كاتاندۋانەس پروۆينتسياسىندا قۇرلىققا جەتىپ, كەيىن تروپيكالىق داۋىلعا اينالدى. جەرگىلىكتى اتموسفەرالىق, گەوفيزيكالىق جانە استرونوميالىق زەرتتەۋلەر قىزمەتىنىڭ مالىمەتىنشە, اپات ەپيتسەنترىندەگى جەلدىڭ جىلدامدىعى 34,7 م/س, ەكپىنى 47,2 م / س قۇرادى.
