ايماقتار • 02 قاراشا، 2020

نۇرگەلدى نەسىبەسىن الا كەلدى

1441 رەت كورسەتىلدى

شارباقتى اۋدانىنىڭ ورتالىعى شارباقتى اۋىلىندا تۇراتىن نۇرلىبەك بەكەباەۆ پەن سامال يمانقۇلوۆا – بالالارىن بايلىعى كورگەن قاراپايىم عانا وتباسى. وتاعاسى كۇزەتشى ءارى وت جاعۋشى بولسا، سامال مەكتەپتە وقيتىن بالالارىنىڭ ساباعى مەن تاربيەسىنە قارايلاپ ءۇي شارۋاسىمەن اينالىسادى.

ولاردىڭ وتباسىندا مەيىربەك، يسلامبەك، اسىلبەك، جانسەرى ەسىمدى ۇلدار ءوسىپ كەلەدى. جاقىندا 9 ايعا تول­عان ىنىلەرى نۇرگەلدى وتباسىنا مىنە، ءوز نەسىبەسىن، قۋانىشىن الا كەلدى.

– بيىلعى قۋانىش قايىرىن بەرىپ ءۇيلى بولدىق. ء«ار بالا ءوز نەسىبەسىن الا كەلەدى» دەيدى قازاق. بىراق اكىمدىك قاشان كومەك بەرەدى دەپ كۇتىپ وتىرعان جوقپىز. ءۇي بەرىلگەن سوڭ قىس تا كەلە جاتىر، قولدا بار ازىن-اۋلاق اقشامىزدى جەتكىزىپ، ىشكى-سىرتقى بارلىق قاجەتتى جوندەۋ جۇمىستارىن ءوزىمىز جاساپ الدىق. ارينە، ءبىز سەكىلدى كوپبالالى وت­باسىلارعا جەرگىلىكتى جەردەن كومەك، قولداۋ، جاناشىرلىق وتە قاجەت-اق. ءاربىر وتباسىنا ءوز ءۇيى، ءوز وتباسى، وشاق قاسى بولعانعا نە جەتسىن! كوپ جىل­دان بەرى جالدامالى ۇيدە تۇرىپ كەلدىك. ەندى مىنە، قايىرىمدى كاسىپكەردىڭ قامقورلىعىمەن ءۇيلى بولدىق. بىزگە كومەك قولىن سوزعان نۇرجامال قاراشاشەۆاعا العىسىمىزدى ايتامىز، – دەيدى كوپبالالى انا سامال يمانقۇلوۆا.

ال ءبىز بىلەتىن نۇرجامال قارا­شا­شە­ۆا – اۋداننىڭ تاجىريبەلى، جىگەرلى، باس­تا­ماشىل، وزىنە سەنىمدى كاسىپ­كەر­لەرىنىڭ ءبىرى. ءوز ءىسىن دامىتا وتىرىپ، اۋداننىڭ قوعامدىق-ساياسي ومىرىنە بەلسەندى قا­تى­سىپ كەلەدى. قايىرىمدىلىقپەن جانە ۆولونتەرلىكپەن اينالىسادى. اۋداننىڭ مۇقتاج تۇرعىندارىنا ءوز كاسىپورنىنىڭ ونىم­دەرىمەن، سونداي-اق ازىق-ت ۇلىك، كو­كونىستەرمەن قو­لى­نان كەلگەنشە كومەك كورسەتۋدە، «مەك­تەپ­كە جول»، «قام­قور­لىق» سياقتى قايى­رىمدىلىق شارالارى­نا ۇنەمى قاتى­سا­دى.

قازىر جالپى اۋدان بويىنشا 440 كوپبا­لا­لى وتباسى بار، ونىڭ ىشىندە ارنايى مەم­­لە­كەت­تىك جاردەماقى الاتىن كوپبا­لا­لى وتبا­­سى سانى – 251.

تاعى ءبىر جاقسى جاڭالىق، اۋداندىق ىشكى ساياسات ءبولىمىنىڭ مالىمەتىنشە، اۋدانداعى ەسىلباي اۋىلىنىڭ جاستارى جالعىزىلىكتى زەينەتكەر گۇلناش اپاعا ەكى ايدىڭ ىشىندە 2 بولمەلى ءۇي سالىپ بەرىپتى. ءۇي ىشىنە قاجەتتى تۇرمىستىق تەحنيكالار دا ساتىپ الىنعان.

– بۇرىنعى ەسكى ءۇيىمنىڭ توبەسى شى­داما­دى، جاستار وزدەرى اسار جاساپ ماعان قام­قورلىقتارىن كورسەتىپ ءۇي سالىپ بەردى. كورگەنى بار، يماندىلىققا جا­قىن اۋى­لىم­نىڭ بالالارىنا ريزامىن. «جا­قى­نىڭا جاناشىر بول» دەگەن وسى عوي، جاقسىلىقتارى بالالارىنا بۇيىرسىن!، – دەيدى گۇلناش اپا.

 

پاۆلودار وبلىسى،

شارباقتى اۋدانى

سوڭعى جاڭالىقتار

مۋتاتسيالانعان ۆيرۋس

مەديتسينا • بۇگىن، 22:15

جىراۋلىق ونەردىڭ جاناشىرلارى

رۋحانيات • بۇگىن، 21:56

Big Tech كومپانيالارىنىڭ قارجىلىق ماسەلەسى

باعدارلامالار • بۇگىن، 21:30

ۇستازى جاقسىنىڭ ۇستامى جاقسى

رۋحانيات • بۇگىن، 18:30

بالقاشتا قار جاۋىپ جاتىر

اۋا رايى • بۇگىن، 15:48

ۇقساس جاڭالىقتار