استاناداعى تاۋەلسىزدىك سارايىندا قازاقستان رەسپۋبليكاسى سۋديالارىنىڭ VI سەزى باستالدى.بۇل تۋرالى قازاقستان رەسپۋبليكاسى جوعارعى سوتىنىڭ ءباسپاسوز قىزمەتى حابارلادى.
القالى جيىندى جوعارعى سوت جانە قازاقستان رەسپۋبليكاسىنىڭ سۋديالار وداعى ۇيىمداستىرىپ وتىر.
قازاقستان قازىلارىنىڭ بۇل فورۋمىنا مەملەكەت باسشىسى نۇرسۇلتان نازارباەۆ, ورتالىق مەملەكەتتىك ورگانداردىڭ باسشىلارى, شەتەلدىك دەلەگاتسيالار قاتىسۋدا. جيىنعا سونداي-اق ەلىمىزدىڭ بارلىق وڭىرلەرىنەن 600-دەن استام سۋديا كەلدى. سەزگە رەسەي, مولدوۆا, ۋكراينا, قىرعىزستان جانە گرۋزيا جوعارعى سوتتارىنىڭ دەلەگاتسيالارى شاقىرىلعان. مۇنىڭ سىرتىندا بىرىككەن اراب امىرلىكتەرىنەن, ساۋد ارابياسىنان, گەرمانيادان شاقىرىلعان قوناقتار, ەقىۇ, بۇۇدب, ەۆروپالىق وداقتىڭ قازاقستان رەسپۋبليكاسىنداعى وكىلدىگىنىڭ وكىلدەرى, سونداي-اق تاۋەلسىز مەملەكەتتەر دوستاستىعى ەكونوميكالىق سوتىنىڭ جانە ەۋرازيالىق ەكونوميكالىق سوتىنىڭ سۋديالارى بار.
سەزدىڭ كۇن تارتىبىندە مەملەكەت باسشىسىنىڭ 2009 جىلعى سەزدە بەلگىلەگەن مىندەتتەرىنىڭ جۇزە اسىرىلۋ بارىسىن تالقىلاۋ, سوت ءىسىن جۇرگىزۋدىڭ وزەكتى جايتتەرىن قاراۋ, قازاقستاننىڭ الەمنىڭ دامىعان 30 مەملەكەتىنىڭ قاتارىنا ەنۋى كەزىندەگى سوت جۇيەسىنىڭ ءرولىن ايقىنداۋ ماسەلەلەرى قارالاتىن بولادى. قاتىسۋشىلار سوت تورەلىگىنىڭ تاۋەلسىزدىگى, سوت قۇرىلىسىن جەتىلدىرۋ, قۇقىق قورعاۋ مەحانيزمدەرىن جەتىلدىرۋدە سوتتاردىڭ ءرولى, سوتتاردىڭ اشىقتىعى مەن قولجەتىمدىلىگى, سونداي-اق سۋديا كادرلاردىڭ كاسىبي جانە ادامگەرشىلىك دەڭگەيىن ارتتىرۋ ماسەلەلەرىن تالقىعا سالادى. سەزدە سوت جۇيەسىنىڭ ءيميدجىن كوتەرۋ تۋرالى, سۋديالار قوعامداستىعى ورگاندارىن دامىتۋدىڭ پەرسپەكتيۆالارى, سۋديالاردىڭ الەۋمەتتىك كەپىلدىكتەرى جانە باسقا دا ماسەلەلەرى تۋرالى ءسوز قوزعالادى.
جۇمىس قورىتىندىسى بويىنشا سەزد قاۋلىسى قابىلداناتىن بولادى.
سۋديالار سەزى قازاقستان رەسپۋبليكاسى سۋديالار وداعىنىڭ جوعارى ورگانى بولىپ تابىلادى. قازاقستاننىڭ سۋديالار وداعى 2011 جىلدان باستاپ حالىقارالىق سۋديالار قاۋىمداستىعىنىڭ تولىققاندى مۇشەسى. سەزد مەملەكەتتىڭ جوعارى لاۋازىمدى تۇلعالارىنىڭ قاتىسۋىمەن 4 جىلدا 1 رەت وتەدى.
ساكەن مايلىباي.
