سونداي-اق, وسى بەكەتتەر ارقىلى ءجۇرىپ-تۇرۋعا رۇقسات بەرۋ ءۇشىن propusk.kz پورتالىن ىسكە قوسۋ جوسپارلانۋدا.
ەلدە اۋرۋدىڭ وسۋىنە بايلانىستى الدىن الۋ شاراسى رەتىندە كەلەسى باعىتتار بويىنشا سانيتارلىق بەكەتتەر ورناتۋ تۋرالى شەشىم قابىلداندى:
1. قىزىلوردا - پاۆلودار ا/ج (مولودەجنىي ك. ماڭىندا).
2. پاۆلودار - باياناۋىل - بۇقار جىراۋ-قاراعاندى ا/ج (ۇمىتكەر كەنتى ماڭىندا);
3. قاراعاندى - اياگوز - بۇعاز اۆتوجولىنىڭ 271-ءشى شاقىرىمى سەمەي قالاسى باعىتىندا (كەنتوبە كەنتى ماڭىندا).
وسى سانيتارلىق بەكەتتەردى ارقىلى ءوتۋدى قاراستىراتىن ساپارلاردى جوسپارلاعاندار propusk.kz سايتىندا ءوز دەرەكتەرىن كورسەتۋى كەرەك.
اتالمىش باعىتتار بويىنشا قۇقىق قورعاۋ ورگاندارىنا, مەديتسينا قىزمەتكەرلەرى مەن ارنايى قىزمەتتەرگە; حالىقتىڭ تىرشىلىگىن قامتاماسىز ەتۋ ۇيىمدارىنىڭ قىزمەتكەرلەرىنە; جۇك ماشينالارىنا; ترانزيتتىك كولىككە; قاراعاندى وبلىسىنا جەرگىلىكتى تىركەۋمەن كەلەتىن ادامدارعا; ەمدەلۋگە كەلەتىن ادامدارعا رۇقساتناماسىز ءجۇرىپ-تۇرۋعا رۇقسات ەتىلەدى. ۆاحتالىق جۇمىسكەرلەر مەن تۇرعىلىقتى جەرىنەن جۇمىس ورنىنا دەيىن جانە كەرى قاراي جۇرەتىندەر ءوز دەرەكتەرىن propusk.kz سايتتا قالدىرۋ قاجەت.
ەستەرىڭىزگە سالا كەتەيىك, سانيتارلىق بەكەتتەردە پوليتسيا قىزمەتكەرلەرى مەن دارىگەرلەر كەزەكشىلىك ەتەدى. ولار جۇرگىزۋشىلەر مەن جولاۋشىلاردىڭ دەنساۋلىق جاعدايىن تەكسەرەدى. باقىلاۋ بارىسىندا تەرمومەتريا مەن ساۋالناما جۇرگىزىلەدى.
