كارديولوگيالىق اۋرۋحانادا ورتالىق جۇيكە جۇيەسى زاقىمدانعان ناۋقاستارعا ارنالعان ينسۋلت ورتالىعىن اشۋ جوسپارلانىپ وتىر. جوبا بويىنشا مۇندا جەكە قابىلداۋ ءبولىمى مەن رەانيماتسيا قاراستىرىلعان. بۇگىندە مەديتسينالىق مەكەمە عيماراتىندا جوندەۋ جۇمىستارى ءجۇرىپ جاتىر. سونىمەن قاتار, عيماراتتىڭ 400 شارشى مەترى پتر زەرتحاناسىنا بەرىلەدى. پتر تالداۋلارىن زەرتتەۋ كەلەسى اپتادا باستالادى.
قالالىق №1 اۋرۋحاناسىنىڭ اۋماعىندا ءوڭىر باسشىسى قابىلداۋ ءبولىمى, وپەراتسيالىق جانە رەانيماتسيالىق بلوكتار ورنالاساتىن قوسىمشا قۇرىلىستىڭ بارىسىن تەكسەردى. مەردىگەرلەر ەكى قاباتتى دا كوتەرىپ, ىشكى بەزەندىرۋ جۇمىستارىنا كىرىستى. جاڭا كورپۋسقا ارنالعان جابدىقتاردىڭ العاشقى لەگى جەتكىزىلىپ قويدى.
"پاتسيەنتتەر اعىنى مەن جابدىقتاردى ورنالاستىرۋدى كەيىن ەشتەڭەنى قايتا جاساۋدىڭ قاجەتى بولمايتىنداي ەتىپ قاراستىرۋ قاجەت. كورپۋستىڭ سىرتقى تۇرىنە نازار اۋدارىڭىزدار. كەلەسى اپتادا وسى عيماراتتىڭ سىرتقى جانە ىشكى ديزاينى بويىنشا ۇسىنىستار بەرىڭىز, ول بۇگىنگى كۇنگە سايكەس بولۋى كەرەك", دەپ اتاپ ءوتتى ابىلقايىر سقاقوۆ.
ع. سۇلتانوۆ اتىنداعى وبلىستىق اۋرۋحانانىڭ تەرى-ۆەنەرولوگيالىق جانە جۇقپالى اۋرۋلار ءبولىمى سالىنىپ جاتقان ۋچاسكەدە ابىلقايىر سقاقوۆ مەردىگەرلەردى باياۋ جۇمىس قارقىنى ءۇشىن سىنعا الدى.
"شاتىر جابىلماعان, ىشكى ارلەۋ جۇمىستارى ءتىپتى باستالماعان, اباتتاندىرۋ جۇمىستارى دا سولاي. شاماسى, سىزدەر كەشىكتىرەسىزدەر. سىزدەر بۇل جوبانى قولعا العان كەزدە جاۋاپكەرشىلىكتى ءوز مويىندارىڭىزعا الدىڭىزدار. بۇل - پاۆلودار ءۇشىن الەۋمەتتىك ماڭىزى بار نىسان", دەدى وبلىس اكىمى مەردىگەرلەرگە.
ابىلقايىر سقاقوۆ بولىمشە بەلگىلەنگەن مەرزىمدە تاپسىرىلماعان جاعدايدا مەملەكەتتىك قىزمەتكەرلەر مەن مەردىگەر ۇيىمنىڭ باسشىلىعى جاۋاپقا تارتىلاتىنىن ەسكە سالدى. عيمارات جەلتوقساننان كەشىكتىرىلمەي تاپسىرىلۋى ءتيىس.
