مەديتسينالىق كوميسسيادان وتكەن اتىراۋلىق 100 جاس وڭتۇستىك وڭىردەگى اسكەري بولىمدە قىزمەت ەتەدى.
"شاقىرۋ قاعازىن العان سوڭ دەرەۋ شاقىرۋ پۋنكتىنە كەلدىم. مەديتسينالىق كوميسسيادان ءوتتىم. قازاقستان رەسپۋبليكاسىنىڭ ازاماتى رەتىندە قارۋلى كۇشتەر قاتارىندا قىزمەت ەتۋگە دايىنمىن", دەيدى اسكەرگە شاقىرىلۋشى راۆيل جولامان.
اتىراۋ وبلىستىق قورعانىس ىستەرى جونىندەگى دەپارتامەنتى باستىعىنىڭ ورىنباسارى, كاپيتان جاسۇلان ساتبالديەۆتىڭ ايتۋىنشا, بيىل وبلىستىق مەديتسينالىق كوميسسيانىڭ قۇرامىنا ينفەكتسيونيست دارىگەرلەر ەنگىزىلءىپتى. ءاسكەرگە شاقىرىلۋشىلار اسكەري بولىمدەرگە اتتانار الدىندا مىندەتتى تۇردە پتر ادىسىمەن COVID-19-عا زەرتحانالىق تەست تاپسىرادى. سونىمەن قاتار, ولارعا ينفەكتسيالىق باكتەرياعا قارسى زالاسىزداندىرۋ ءۇشىن گەل, مەديتسينالىق قولعاپتار مەن ماسكالار بەرىلەدى.
"بءىزدىڭ وبلىستان ۇقك شەكارا قىزمەتىنىڭ اسكەري بولىمدەرىن جاساقتاۋ جوسپارى تولىقتاي ورىندالدى. ەندىگى كەزەكتە قورعانىس مينيسترلىگىنىڭ اسكەري بولىمدەرىن تولىقتىرۋدى باستادىق", دەدى اتىراۋ وبلىستىق قورعانىس ىستەرى جونىندەگى دەپارتامەنتى باستىعىنىڭ ورىنباسارى, كاپيتان جاسۇلان ساتبالديەۆ.
