اتالعان وتىرىسقا ازەربايجان رەسپۋبليكاسى, ارمەنيا رەسپۋبليكاسى, بەلارۋس رەسپۋبليكاسى, قازاقستان رەسپۋبليكاسى, قىرعىزستان رەسپۋبليكاسى, رەسەي فەدەراتسياسى, تاجىكستان رەسپۋبليكاسى, وزبەكستان رەسپۋبليكاسى قارۋلى كۇشتەرى باس شتابتارىنىڭ, سونىمەن قاتار تمد اتقارۋشى كوميتەتىنىڭ دەلەگاتسيالارى قاتىستى.
قازاقستان رەسپۋبليكاسى اتىنان قورعانىس ءمينيسترىنىڭ ءبىرىنشى ورىنباسارى – قازاقستان رەسپۋبليكاسى قارۋلى كۇشتەرى باس شتابىنىڭ باستىعى گەنەرال-لەيتەنانت مۇرات بەكتانوۆ قاتىستى.
كۇن تارتىبىنە سايكەس تمد-عا قاتىسۋشى ەلدەردىڭ اسكەري ۆەدومستۆالارىنىڭ قورعانىس پەن قاۋىپسىزدىك اۋقىمىندا كوپجاقتى ءوزارا ءىس-قيمىل ماسەلەلەرى قاراستىرىلدى.
اسكەرلەردىڭ جاۋىنگەرلىك دايارلىعى ءۇشىن پراكتيكالىق قاجەتتىلىكتى ەسكەرە وتىرىپ وتىرىسقا قاتىسۋشىلار قازىرگى زامانعى قارۋلى قاقتىعىستاردىڭ, اتاپ ايتساق, ۇشقىشسىز ۇشۋ قۇرىلعىلارىن قولدانۋدىڭ ءىس جۇزىندەگى ماڭىزدىلىعى, اۋە شابۋىلىنا قارسى قورعانىستى ۇيىمداستىرۋ, ماتەريالدىق-تەحنيكالىق قامتاماسىز ەتۋ تاجىريبەلەرىمەن تانىستى.
وتكەن كەزەڭدەگى تمد-عا قاتىسۋشى ەلدەردىڭ قارۋلى كۇشتەرىندەگى اۆياتسيا ۇشۋلارىنىڭ قاۋىپسىزدىك جاعدايى دا تالداندى.
وسى وتىرىس بارىسىندا قابىلدانعان شەشىمدەر قورعانىس پەن قاۋىپسىزدىك اۋقىمىنداعى ءوزارا ءىس-قيمىلدى دامىتۋعا, دوستاستىق قۇرامىنداعى ەلدەرىنىڭ ۇلتتىق جانە بىرلەسكەن قاۋىپسىزدىگىن قولداۋ مۇددەسىندە اسكەري ىنتىماقتاستىقتىڭ دامۋىن قامتاماسىز ەتۋگە باعىتتالدى.
وتىرىس سوڭىندا كەزدەسۋگە قاتىسۋشىلار وتكەن جىلدى قورىتىندىلاپ, 2021 جىلعا ارنالعان بىرلەسكەن ءىس-شارالاردى تالقىلادى.
