كينو • 30 قازان، 2020

دەمالىستا كورۋگە بولاتىن قازاقستاندىق فيلمدەر

34 رەت كورسەتىلدى

"Qadam.asia" قازاقستاندىق فيلمدەردى ىرىكتەپ، دەمالىستا كورۋگە بولاتىن TOپ-5 كارتينانى ۇسىنادى، دەپ حابارلايدى Egemen.kz

"كوزىمنىڭ قاراسى" (1994) – رەج.: ساتىبالدى نارىمبەتوۆ

كارتينا بالا كەزىندە وتباسى قيىندىقتارىن باستان كەشكەن جاس اككوردەونشىنىڭ ءومىرىن ارقاۋ ەتەدى. ءفيلمنىڭ باس كەيىپكەرى بالانىڭ ءوزى ەمەس، جانىن جارالاعان سەزىمدەرى دەپ ايتۋعا دا بولادى. ءومىردىڭ قاتال شىندىعىمەن بەتپە-بەت كەلگەن ول تۇڭعىش رەت قاسىرەت پەن قايعىنى، ادامداردىڭ بولمىسىن، العاشقى ماحابباتتى سەزىنەدى. 

وقيعا تۇركىستان وبلىسىنداعى سوعىستان كەيىنگى كەن ورىندارى ورنالاسقان اۋىلدا وتەدى. ەندى ەسىن جيىپ كەلە جاتقان حالىق ءالى دە ەڭسەسىن كوتەرمەگەن. ونىڭ اكەسى اش-جالاڭاش جاپون اسكەري تۇتقىندارىن ۇيىنە شاقىرىپ، تاماقتاندىرعانى ءۇشىن ەكى جىلعا سوتتالىپ كەتەدى.

14"ستالينگە سىيلىق" (2008) – رەج.: رۇستەم ءابدىراش

1949 جىلى ءستاليننىڭ جەتپىس جاسى اتاپ وتىلەدى. " ۇلى كوسەمنىڭ" مەرەيتويىنا بۇكىل وداقتاس ەلدەردىڭ بالالارى سىيلىق ارناپ جاتادى. ەڭ ۇزدىك سىيلىق ءستاليننىڭ تۋعان كۇنىندە انىقتالادى. 

سوعىستان كەيىنگى جىلدارى ەۆرەي تۇتقىندارى قازاق دالاسىنا جەر اۋدارىلادى. جەتىم قالعان ساشا دا اتاسىمەن بىرگە قازاقستانعا جەر اۋدارىلعانداردىڭ قاتارىندا. بىراق، جولدا اتاسى قايتىس بولىپ، ونى تەمىرجولدا ىستەيتىن قاسىم ەسىمدى قاريا اسىراپ الادى. 

قاسىم اقساقالدىڭ ايەلى مەن بالالارى وتىزىنشى جىلدارداعى اشتىقتا قايتىس بولعان. ءوزى سوعىس ارداگەرى. قاريا ساشاعا سابىر دەگەن ەسىم قويادى. سابىر اتا-اناسىنىڭ قايتىس بولعانىن بىلمەيدى، ءتىرى دەپ ويلايدى. قازاق دالاسىنىڭ مەڭىرەۋ جازىعىندا ورنالاسقان بۇلاردىڭ اۋىلىندا جەر اۋدارىلعاندار كوپ ەدى. 

36"تيۋلپان" (2008) – رەج.: سەرگەي دۆورتسەۆوي

قازاقستان اتىنان وسكار سىيلىعىنا قاتىسقان "تيۋلپان" كارتيناسى كانن فەستيۆالىنىڭ «ەرەكشە كوزقاراس» نوميناتسياسى بويىنشا باس جۇلدەنى جەڭىپ العان. 

فيلم بەتپاقدالادا 4 جىل بويى ءتۇسىرىلىپتى. 

456""اناعا اپارار جول" (2016) – اقان ساتاەۆ

فيلمدە قازاق حالقىنىڭ كۇردەلى تاريحي كەزەڭدەرى قامتىلعان. كارتينادا ۇجىمداستىرۋ، اشارشىلىق، ۇلى وتان سوعىسى مەن سوعىستان كەيىنگى قازاقستاننىڭ قيىن كەزەڭدەرى سيپاتتالادى. 

"اناعا اپارار جول" كارتيناسىنىڭ نەگىزگى سيۋجەتى – انا مەن بالا ماحابباتىنىڭ قۋاتى. تاعدىردىڭ تالكەگىنە تۇسكەن ءىلياس وتانىنان جىراقتايدى. ول شەتەلدە ءجۇرىپ بالالار ۇيىندە تاربيەلەنەدى، سۇراپىل سوعىسقا قاتىسادى. سوعىستان ورالعاندا تۇتقىنعا ءتۇسىپ، لاگەرگە ايدالادى. وسىناۋ اۋىرتپالىقتاردى ەڭسەرۋگە وعان ەلىنە ورالىپ، اناسىمەن قاۋىشۋ ماقساتى كۇش بەرەدى.

كينوفيلم قازاقستاندا، ءازىربايجاندا، رەسەيدە، بەلورۋسيادا تۇسىرىلگەن. ءتۇسىرىلىم جۇمىستارىنا باس اياعى 2000 ادام قاتىسىپ، 300 اسكەري تەحنيكا تارتىلعان.

123""تۇلعالىق ءوسۋ ترەنينگى" (2018) – رەج.: فارحات شاريپوۆ

فيلم سيۋجەتى قاراپايىم بانك قىزمەتكەرى قاناتتىڭ جان دۇنيەسىندەگى داعدارىسقا قۇرىلعان. 

قىرىققا كەپ قالعان ول ارمانداۋدى ۇمىتقان ادام. ءتىپتى، ومىرىندە ەشقانداي ماعىنا قالماعان. بىراق، ءبارى جولى بولعىش دانيكتىڭ پايدا بولۋىمەن وزگەرەدى.

فارحات شاريپوۆتىڭ بۇل كارتيناسى حالىقارالىق ماسكەۋ كينوفەستيۆالىندە باس جۇلدەنى جەڭىپ العان. 

 

سوڭعى جاڭالىقتار

ۇقساس جاڭالىقتار