كۇن رايىنىڭ كۇرت وزگەرۋى مەن كوكتايعاقتىڭ ورىن الۋى جولدارداعى جاعدايدى وزگەرتتى. اسكەرلەردە كەشەندى الدىن الۋ شارالارى اياسىندا اسكەري قىزمەتشىلەردىڭ جۇرگىزۋ مادەنيەتىن ارتتىرۋعا جانە اۆتوكولىكتى اپاتسىز پايدالانۋعا باعىتتالعان ساباقتار ۇيىمداستىرىلدى. اتالعان ساباقتار اسكەري پوليتسيا, ءىىم, تجم جانە قوعامدىق اۆتواۋەسقويلار وكىلدەرىنىڭ قاتىسۋىمەن وتۋدە.
بۇل ساباقتار بارىسىندا اسكەري قىزمەتشىلەر جول-كولىك وقيعالارىنىڭ ستاتيستيكاسىمەن تانىسىپ, كولىكتى پايدالانۋدا ورىن الاتىن تاۋەكەلدەر, بۇزۋشىلىقتار تۋرالى ايتىلماق. جۇرگىزۋشىلەرگە سونىمەن قاتار اۆتوكولىكتى جىل مەزگىلىنە قاراي قىزمەت كورسەتۋ جانە ءتۇرلى جولداردا جۇرگىزۋ بويىنشا پراكتيكالىق كەڭەستەر بەرىلەدى.
ءىس-شارالار بارىسىندا لاۋازىمدى ادامدار جۇرگىزۋشىلەردىڭ جانە كولىكتەردىڭ قۇجاتتارىن تەكسەرىپ, قىسقى كەزەڭگە كولىكتى پايدالانۋدىڭ تەحنيكالىق جابدىقتارى مەن دايىندىعىن تەكسەرەدى. تەكسەرۋدىڭ قورىتىندىسى بويىنشا اۆتوكولىكتىڭ تەحنيكالىق جاعدايى مەن كەمشىلىكتەردى جويۋ بويىنشا ۇسىنىستار بەرىلەدى.
ارميا اسكەرلەرىندە جول-كولىك وقيعالارىن الدىن الۋ جونىندەگى جۇمىستار تۇراقتى جۇرگىزىلىپ كەلەدى. جول قوزعالىسىنىڭ قاۋىپسىزدىگىنە قاتىستى, اتاپ ايتقاندا, «نازار اۋدارىڭىز, جاياۋ جۇرگىنشى», «اۆتوكولىكتىڭ قىسقا دايىندىعى – اپاتسىز پايدالانۋ كەپىلى» سەكىلدى ايلىقتار وتكىزىلەدى.
